यमुना एक्सप्रेसवर भीषण अपघात; ऑईल टँकरने दुभाजक तोडून कारला दिलेल्या धडकेत 7 जणांचा जागीच मृत्यु
मथुरा : उत्तर प्रदेशातील यमुना द्रुतगती महामार्गावर तेलाच्या टँकरने दुभाजकाला ओलांडून समोर आलेल्या कारला धडक दिल्याने झालेल्या भीषण अपघातात कारमधील सर्व ७ जणांचा जागीच मृत्यु झाला. मथुरा येथील नौझील पोलीस ठाण्याच्याजवळ मंगळवारी रात्री उशिरा हा अपघात झाला.
तेलाचा टँकर हा आग्राकडे जात होता. वेगाने जाणार्या या टँकरचालकाचे नियंत्रण सुटले व टँकरने दुभाजकाला धडक दिली़ दुभाजक तोडून तो विरुद्ध दिशेच्या मार्गावर आला़ समोरुन येणार्या कारला त्याने जोरात धडक दिली. ही धडक इतकी भीषण होती की कारमधील सर्व ७ जणांचा जागीच मृत्यु झाला.
या अपघातात कारमधील सर्व ७ जणांचा मृत्यु झाला असून त्यात दोन महिलांचा समावेश आहे. अपघातातील मृत हे हरियानातील रहिवासी होते. पीडितांच्या कुटुंबियांना मृत्युच्या घटनेची माहिती देण्यात आली असल्याचे पोलीस अधीक्षक गौरव ग्रोव्हर यांनी सांगितले.
Seven persons including two women died after an oil tanker collided with the car they were travelling in, on Yamuna Expressway. Bodies have been recovered and sent for post-mortem: Mathura SSP Gaurav Grover pic.twitter.com/fbpsAwQL23
— ANI UP/Uttarakhand (@ANINewsUP) February 23, 2021