मनोरंजन

हृतिक रोशननं BMC कर्मचाऱ्यांसाठी खरेदी केले ‘मास्क’, डॉगसोबत फोटो शेअर करत चाहत्यांना केलं ‘हे’ आवाहन !

पोलीसनामा ऑनलाईन :बॉलिवूड स्टार हृतिक रोशननं देशात सुरू असलेल्या संकटकाळात सर्वात मुलभूत काळजीवाहकांची सुरक्षा निश्चित करण्यावर भर दिला आहे. बृहन्मुंबई म्युनिसिपल कॉर्पोरेशनसाठी मास्क खरेदी करून हृतिकनं एक मोठं पाऊल टाकलं आहे. गुरुवारी हृतिकनं ट्विट केलं की, “अशा काळात आपण शक्य ती प्रत्येक गोष्ट केली पाहिजे ज्यामुळं आपल्या समाज आणि शहरातील मुख्य काळजीवाहकांची सुरक्षा निश्चित केली जाईल. मी बीएमसी कर्मचारी आणि इतर काळजी वाहकांसाठी एन 95 आणि एफएफपी 3मास्क खरेदी केले आहेत.” हृतिकनं मंत्री आदित्य ठाकरे यांचेही आभार मानले आहेत.

हृतिक पुढे म्हणतो, “या महामारीला आळा घालण्याच्या प्रयत्नात महाराष्ट्र सरकारचं समर्थन करण्याची संधी दिल्याबद्दल मी आदित्य ठाकरे यांचे आभार मानतो. आपल्या परीनं शक्य त्या गोष्टी करणं हे आपलं कर्तव्य आहे.” असंही तो म्हणाला.

हृतिकनं आजच त्याच्या कुत्र्यासोबत फोटो शेअर करत आपल्या चाहत्यांना घरातच राहण्याचं आवाहन केलं आहे.

हृतिकच्या वर्कफ्रंटबद्दल बोलायचं झालं तर तो शेवटचा वॉर या सिनेमात दिसला होता. या सिनेमात त्याच्यासोबत अभिनेता टायगर श्रॉफ प्रमुख भूमिकेत होता.