वैभवशाली परंपरा असलेल्या पुण्यासह ग्रामीण भागातील गणेशोत्सवाची सांगता रविवारी (दि. २३) होणार आहे. पुणे ग्रामीणच्या हद्दीमध्ये २ हजार ८५ सार्वजनिक गणेश मंडळे आहेत. गणेश मंडळांकडून गणपतीचे विसर्जन करण्यासाठी मिरवणूक काढण्यात येते. विसर्जन मिरवणूक आणि गणपती मूर्तींचे विसर्जन ठिकाणावर पुणे ग्रामीण पोलिसांनी चोख बंदोबस्त ठेवला आहे.
[amazon_link asins=’B078124279′ template=’ProductCarousel’ store=’policenama-100′ marketplace=’IN’ link_id=’01baaf33-be6b-11e8-9b51-739c2464594e’]
गणपती विसर्जनादरम्यान कोणताही अनुचित प्रकार घडु नये यासाठी ग्रामीण पोलिसांकडून गुन्हेगार प्रवृत्तीच्या लोकांवर प्रतिबंधात्मक कारवाई करण्यात आली आहे. ग्रामीण पोलिसांनी विविध गुन्ह्यातील ४ हजार ३१ जणांवर प्रतिबंधात्मक कारवाई करण्यात आली आहे. कारवाई करण्यात आलेल्यांमध्ये ५१३ जणांना पुणे जिल्ह्या बाहेर काढण्यात आले आहे.
गणपती विसर्जन शांततेत व्हावे तसेच कोणताही अनुचित प्रकार घडु नये यासाठी सर्व पोलीस ठाण्यांच्या हद्दीत ड्रोन कॅमेऱ्याद्वारे नजर ठेवली जाणार आहे. ड्रोन कॅमेऱ्याद्वारे विसर्जन मिरवणूकीचे चित्रीकरण करण्यात येणार आहे. तसेच गणेश मंडळांच्या कार्यकर्त्यांना सुचना करण्यासाठी सर्व पोलीस ठाण्यामध्ये लाऊड स्पिकर व चित्रीकरणासाठी व्ही.डी. ओ. कॅमेरे देण्यात आले आहेत.
उच्चभ्रू कुटुंबाकडे खंडणी मागणारे दोन इंजिनियर वाकड पोलिसांच्या जाळ्यात
[amazon_link asins=’B078BNQ313′ template=’ProductCarousel’ store=’policenama-100′ marketplace=’IN’ link_id=’6d554788-be70-11e8-bb9c-07f0e4b71312′]