पुणे : पोलीसनामा ऑनलाईन
अल्पवयीन नातवानेच घरातील कपाटात ठेवलेले ४ लाख ५३ हजार ९०० रुपयांचे सोन्याचे दागिने चोरुन नेल्याची घटना उघडकीस आली आहे. याप्रकरणी नातवाविरुद्ध खडक पोलीस ठाण्यात गुन्हा दाखल करण्यात आला आहे. हा प्रकार ६ ऑक्टोबर रोजी दुपारी साडेतीनच्या सुमरास घोरपेठेत घडला असून ७८ वर्षीय आजीने खडक पोलीस ठाण्यात फिर्य़ाद दिली आहे.
पोलिसांनी दिलेल्या माहितीनुसार, फिर्यादी या घटनेच्या वेळी किचनमध्ये साहित्य ठेवण्यासाठी गेल्या होत्या. या संधीचा फायदा घेत अल्पवयीन नातवाने हॉलमधील कपाट उघडले. कपाटातील लॉकरमध्ये ठेवलेले ४ लाख ५३ हजार ९०० रुपयांचे सोन्या चांदीचे दागिने चोरुन नेले. हा प्रकार लक्षात आल्यानंतर त्यांनी खडक पोलीस ठाण्यात फिर्याद दिली. पुढील तपास खडक पोलीस करीत आहेत.