मुंबई : पोलीसनामा ऑनलाईन – बाळासाहेब थोरांताना स्पष्टीकरण द्यायला मी बांधिल नाही , ते काही हायकमांड नाहीत. असं वक्तव्य काँग्रेसचे ज्येष्ठ नेते व विधानसभेतील विरोधी पक्षनेते राधाकृष्ण विखे-पाटील यांनी बाळासाहेब थोरात यांनी केलेल्या टीकेला उत्तर देताना केलं आहे . मुलाने काँग्रेस पक्ष सोडून भाजपमध्ये जाणे हा बालहट्ट आहे की काही निश्चित धोरण याबाबत स्ष्टीकरण द्या ,तसेच पक्षनिष्ठा सिद्ध करा, असे बाळासाहेब थोरात , विखे पाटलांना म्हणाले होते.
सुजय विखे पाटील यांच्या भाजप प्रवेशानंतर मौन बाळगलेल्या काँग्रेसचे वरिष्ठ नेते आणि विधानसभेचे विरोधी पक्षनेते राधाकृष्ण विखे पाटील हे प्रथमच माध्यमांसमोर आले आहेत . त्यावेळी त्यांनी बाळासाहेब थोरात यांनी केलेल्या वक्तव्याचा समाचार घेतला . ते म्हणाले की, ‘बाळासाहेब थोरांताना स्पष्टीकरण द्यायला मी बांधिल नाही , ते काही हायकमांड नाहीत . पक्ष जो निर्णय घेईल तो मला मान्य असेल मी पक्षश्रेष्ठींचा निर्णय मानतो , त्यामुळे माझे म्हणणे मी पक्षश्रेष्ठींसमोर मांडणार आहे. त्यामुळे बाळासाहेब थोरातांना स्पष्टीकरण देण्याची मला गरज वाटत नाही. ‘
काय म्हणाले होते बाळासाहेब थोरात –
नगरच्या राजकारणात विखेंचे कडवे प्रतिस्पर्धी असलेले बाळासाहेब थोरात विखे-पाटलांवर जोरदार टीका करताना म्हणाले होते