माझी छाती ५६ इंचांची नाही , पण माझ्या मनगटात दम आहे…

पुणे : पोलीसनामा ऑनलाईन – पिंपरी चिंचवडमध्ये पार्थ पवार यांच्या प्रचाराचा नारळ काल वाढवण्यात आला . त्यावेळी सभेत बोलतांना शरद पवार म्हंटले की , माझी छाती ५६ इंचांची नाही , पण माझ्या मनगटात मात्र दम आहे . असे बोलून त्यांनी पंतप्रधान नरेंद्र मोदी यांच्यावर निशाणा साधत टिका केली .

शरद पवार म्हणाले की , आजच्या भाषणात अजित एक गोष्ट बोलला की , जी मला अजिबात आवडलेली नाही . तो म्हणाला की , साहेब या वयात एवढे फिरत आहेत .  म्हणजे मी काय म्हातारा झालो का ? मला हे कदापी आवडलेले नाही .  ठिक आहे माझी छाती ५६  इंचांची नाही पण माझ्या मनगटात मात्र दम आहे . मी देशात बदल केल्याशिवाय स्वस्थ बसणार नाही .  मी राज्यसभेत आहेच ,  त्यासाठी एकटा पुरेसा आहे . आम्ही यशवंराव चव्हाण यांचा वारसा चालवला , पण आता या पुढची २५ वर्ष चालवण्यासाठी नवख्या पिढीची गरज या देशाला आहे . ही पिढी घडवण्यासाठी येणारी निवडणूक महत्वाची ठरणार आहे.