‘कोचिंग’ क्लास न लावता एका वर्षात तयारी केल्यानंतर IAS बनली ही डॉक्टर, अशी केली ‘प्लॅनिंग’
नवी दिल्ली : वृत्तसंस्था – MBBS च्या अभ्यासानंतर एमडीचा अभ्यास करत असताना मनात आयएएस बनण्याची इच्छा झाली आणि अर्तिका शुक्लाने त्या दिशेने वाटचाल सुरु केली. सोशल मीडियापासून सुरक्षित अंतर ठेवले आणि अर्तिका युपीएससीची परिक्षा पास झाली. जाणून घेऊयात एका डॉक्टरच्या आयएएस होण्याबद्दलचा प्रवास.
एका मुलाखतीदरम्यान डॉ अर्तिकाने सांगितले की, २०१४ मध्ये पहिल्यांदा त्यांनी सिव्हिल सर्व्हिसची तयारी सुरु केली होती. त्यानंतर एक वर्ष अभ्यास करून त्यांनी परीक्षा पास केली. युपीएससीच्या परीक्षेबाबत त्या म्हणतात, नियोजनबद्ध पद्धतीने परीक्षेची तयारी करून यश मिळवले आहे. तसेच अशा प्रकारच्या तयारीसाठी वयाची किंवा वेळेची मर्यादा येत नसल्याचे देखील त्यांनी सांगितले.
इतर व्यक्तींना याबाबत सल्ला देताना अर्तिका सांगतात, प्री आणि मेन्स अशा दोनीही परीक्षा लक्षात घेऊन तयारी करणे गरजेचे आहे. लिहिण्याची तयारीसोबत मुलाखतीची तयारी देखील महत्वाची आहे. त्याचप्रमाणे अर्तिका यांनी परीक्षेची तयारी करत असताना स्वतःला सोशल मीडियापासून दूर ठेवल्याचे देखील सांगितले.
कोणत्याही प्रकारच्या कोचिंगचा आधार न घेता अर्तिका यांनी हे यश मिळवले आहे. केवळ जुन्या प्रश्नपत्रिका सोडवून देखील युपीएसीत यश मिळवता येत असल्याचे देखील त्यांनी सिद्ध केले आहे. जर दहावीपासूनच युपीएससीची तयारी केली तर लवकरच ही परीक्षा पास करता येऊ शकते असे अर्तिका यांनी सांगितले. मुलाखती बाबत बोलताना अर्तिका सांगते की तुम्हाला जर एखादे उत्तर येत नसेल तर त्याबाबतची स्पष्टता दाखवा आणि स्वतःबद्दल आत्मविश्वास असल्याचे दाखवून द्या.
Visit : Policenama.com
- ‘या’ व्यायाम प्रकाराने लाभते दिर्घायुष्य, जाणून घ्या 5 आरोग्यदायी फायदे
- सतत ‘एनर्जी ड्रिंक’ घेतल्याने कमी होते मेंदूची कार्यक्षमता, ‘या’ 3 गोष्टी लक्षात ठेवा
- हिवाळ्यात ‘हे’ 6 आजार ठरू शकतात त्रासदायक, ‘हे’ उपाय आवश्य करा
- योगासने सुरु करण्यापूर्वी आणि नंतर ‘ही’ काळजी घ्या, लक्षात ठेवा ‘या’ 6 गोष्टी
- ‘हे’ आहेत थंड पाण्याचे 5 दुष्परिणाम आणि गरम पाण्याचे तब्बल 14 फायदे
- गुलाबी थंडीत असे सांभाळा तुमचे आरोग्य, ‘हे’ 7 पदार्थ आवश्य सेवन करा
- वजन घटवण्यासाठी ‘या’ 7 टिप्स, केवळ दररोज चालण्याने जळतील 500 कॅलरीज !