मोबाईल नंबर गॅस कनेक्शनशी लिंक नसेल तर ‘नो-टेन्शन’, सिलेंडरसाठी DAC सध्यातरी बंधनकारक नाही, जाणून घ्या
File Photoनवी दिल्लीः वृत्तसंस्था – जर एखाद्या ग्राहकाचा मोबाईल नंबर गॅस कनेक्शनशी लिंक केला नसेल तर टेन्शन घेण्याची गरज नाही. सार्वजनिक क्षेत्रातील तेल कंपन्यांनी 1 नोव्हेंबर रोजी दिले जाणारे डिलिव्हरी ऑथेंटिकेशन कोड (डीएसी)ला पुढे ढकलले आहे. एलपीजी ग्राहकांपैकी जवळजवळ 30 टक्के ग्राहक आधीपासून ते वापरत आहेत.
सार्वजनिक क्षेत्रातील तेल कंपनीच्या वरिष्ठ अधिकाऱ्याने सांगितले की, डीएसी सुरू राहील, परंतु ते अनिवार्य होणार नाही. उदाहरणार्थ, जर एखाद्या ग्राहकाचा मोबाइल नंबर गॅस कनेक्शनसह जोडलेला नसेल तर डीएसी त्याच्या मोबाइलवर येणार नाही. या व्यतिरिक्त बर्‍याच ग्राहकांनी त्यांचा नंबरही बदलला आहे. अशा परिस्थितीत सर्व तांत्रिक अडचणी लक्षात घेता डीएसी सक्तीचे करण्याचा निर्णय पुढे ढकलण्यात आला आहे.
यापूर्वी कंपन्यांनी दिल्ली-एनसीआर आणि शंभर स्मार्ट शहरांमध्ये एलपीजी सिलिंडर वितरणासाठी ग्राहकांना 1 नोव्हेंबरपासून डीएसी कोड दर्शविणे अनिवार्य केले होते. हा डीएसी कोड सिलिंडर बुक केल्यावर ग्राहकांच्या नोंदणीकृत मोबाइल क्रमांकावर पाठविला जातो.
एलपीजी सिलिंडर्सच्या काळ्या बाजाराला थांबविणे हा त्याचा हेतू होता. यासह पाच किलो व 19 किलो व्यावसायिक गॅस सिलिंडर्सची यंत्रणा दुरुस्त करण्याची मागणी वाढत आहे. या क्षेत्राशी संबंधित लोकांचे म्हणणे आहे की, 19 किलो गॅस सिलिंडरवर कोणतेही बंधन नाही. कंपन्या स्वस्त दरात थेट सिलिंडर देत आहेत. अशा परिस्थितीत पाच व 19 किलो वाणिज्यिक सिलिंडरची व्यवस्था करणे गरजेचे आहे.