कंगनाच्या प्रवासादरम्यान मोडले नियम, DGCA म्हणालं – विमानात फोटोग्राफी केली तर 2 आठवड्यांसाठी ‘उड्डाण’ निलंबित

नवी दिल्ली : वृत्तसंस्था – नागरी उड्डाण महासंचालक (डीजीसीए) ने शनिवारी सांगितले की, जर एखाद्या व्यक्तीस पूर्वनिर्धारित विमानात फोटोग्राफी करताना आढळले, तर त्या मार्गावरील उड्डाण दोन आठवड्यांसाठी निलंबित केले जाईल. डीसीजीएला इंडीगोच्या बुधवारच्या चंडीगड-मुंबईकडे जाणाऱ्या एका विमानात सुरक्षा आणि सामाजिक अंतर प्रोटोकॉलचे उल्लंघन केल्याचे समजले होते. ज्यात अभिनेत्री कंगना रनौतनेही प्रवास केला होता. यानंतर शुक्रवारी डीजीसीएने इंडिगोला ‘योग्य ती कारवाई’ करण्यास सांगितले होते.

बुधवारी विमानामधील घटनाक्रमाचा एका व्हिडीओनुसार, पत्रकार आणि कॅमेरामन कंगनाची प्रतिक्रिया घेण्यासाठी एकमेकांना धक्काबुक्की आणि गर्दी करताना दिसले. डीजीसीएने शनिवारी आपल्या आदेशात म्हटले की, ‘आतापासून असा निर्णय केला गेला आहे कि पूर्वनिर्धारित प्रवासी विमानात असे कोणतेही उल्लंघन (फोटोग्राफी) झाले, तर त्या मार्गावरील उड्डाण पुढील दोन दिवसापासून दोन आठवड्यांच्या कालावधीसाठी निलंबित केले जाईल.’

डीजीसीएने इंडिगोला फटकारले
डीजीसीएनेही उड्डाणादरम्यान अशा “मोठ्या कॅमेऱ्यांना” परवानगी देण्यासाठी मुंबईत विमान उतरताच अशा प्रकारचे आक्रमक वर्तन थांबवण्यात अपयशी होण्याबद्दल इंडिगोला फटकारले होते.

विमानाच्या नियमांचा हवाला देत डीजीसीएने शनिवारी एका आदेश काढला ज्यानुसार, कोणीताही व्यक्ती विमानात किंवा विमान उड्डाण करताना कोणतेही छायाचित्र घेणार नाही, जोपर्यंत अटींनुसार नसेल किंवा काही नियुक्त केलेल्या विमान अधिकाऱ्यांकडून यासाठी लेखी परवानगी दिली नसेल. मात्र ही परवानगी तेव्हा लागू होणार नाही जेव्हा विमान जमिनीवर उतरत असेल किंवा एखाद्या संरक्षण एरोड्रमवरून उड्डाण करत असेल किंवा जमिनीवर असेल.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा. WhatsAPP

You might also like