PPF अकाऊंटचा ‘फायदा’ घेण्यापुर्वी जाणून घ्या ‘या’ 4 महत्वाच्या गोष्टी, अन्यथा होईल मोठं ‘नुकसान’ !
नवी दिल्ली : वृत्त संस्था – सुरक्षित गुंतवणूक म्हणून पब्लिक प्रॉव्हिडंट फंड (पीपीएफ) सर्वात लोकप्रिय मानले जाते. एक तर येथे केलेल्या गुंतवणुकीवर सरकारकडून ठरविक रिटर्न मिळतो, तर दुसरीकडे टॅक्समध्ये सूट मिळण्याची तरतूद आहे. या दुहेरी लाभासह पीपीएफच्या काही अटीसुद्धा आहेत. यामध्ये वर्षात कमाल 1.5 लाख रुपयेच गुंतवू शकता.
वार्षिक 1.5 लाखापेक्षा जास्त गुंतवणुकीवर नाही व्याज
कर तज्ज्ञांच्या माहितीनुसार, जर एखादा गुंतवणूकदार आपल्या पीपीएफ खात्यात एखाद्या आर्थिक वर्षात 1.5 लाख रुपयांपेक्षा जास्त रक्कम गुंतवत असेल तर ती स्वीकारली जात नाही. ठरलेल्या मर्यादेपेक्षा जास्त रक्कम भरली गेली तरी त्यावर कोणतेही व्याज मिळत नाही. सध्या पीपीएफवर वार्षिक व्याज 7.90 टक्के आहे. यामध्ये गुंतवलेल्या पूर्ण 1.5 लाख रुपयांवर उत्पन्न कर कलम 80सी अंतर्गत सूट दिली जाते.
एकापेक्षा जास्त खात्यांवर सुद्धा समान न्याय
जर एखाद्या करदात्याने आपल्या अल्पवयीन मुलांच्या नावावरही खाते उघडले, तरीसुद्धा कमाल गुंतवणूक मर्यादेत कोणताही बदल होत नाही. पीपीएफ रूल नंबर 3 अंतर्गत, कोणीही व्यक्ती स्व:ता किंवा आपल्यावर अवलंबून एखाद्या अल्पवयीनच्या वतीने पीपीएफ खाते उघडू शकतो. यामध्ये एखाद्या आर्थिक वर्षात कमीतकमी 500 रुपये आणि कमाल दिड लाख रूपये योगदान करू शकतात. दोन वेगवेगळी खाती असून सुद्धा कमाल गुंतवणूक मर्यादेत वाढ होऊ शकत नाही.
टॅक्स सवलत हा तिसरा लाभ
आयकर कायद्यांतर्गत पीपीएफवर टॅक्स सवलतीचा तिसरा लाभ मिळतो. या योजनेत गुंतवणू करून कोणत्याही आर्थिक वर्षात आयकर कलम 80सी द्वारे दिड लाख रूपयांची कर सवलत दिली जाऊ शकते. जी तुमच्यावरील कराचा बोजा कमी करू शकते. याशिवाय पीपीएफमध्ये गुंतवणुकीवर मिळणारे व्याजसुद्धा करमुक्त असते. तिसरा लाभ, मॅच्युरिटी नंतर काढण्यात आलेल्या रक्कमेवर मिळतो. ही रक्कमसुद्धा करमुक्त असते.
किमान रक्कम जमा न केल्यास दंड
पीपीएफ खात्यात वार्षिक किमान 500 रुपये जमा करणे जरूरी आहे. जर गुंतवणुकदार ही रक्कम जमा करू शकला नाही, तर त्याच्यावर प्रत्येक आर्थिक वर्षात 50 रुपयांचा दंड आकारला जातो. गुंतवणुकदाराकडे जेवढी खाती आहेत, त्या सर्वांना हा नियम लागू असेल. पीपीएफ खात्याच्या रक्कमेवर पूर्ण महिन्याचे व्याज मिळण्यासाठी तुम्हाला दर महिन्याच्या तारखेपूर्वी रक्कम जमा करावी लागते. यावर व्याज दर महिन्याला जमा सर्वात कमी रक्कमेवर दिले जाते. ही रक्कम प्रत्येक महिन्याच्या पाच तारखेपासून महिन्याच्या शेवटापर्यंत जी सर्वात कमी रक्कम असेल त्यावर धरले जाते.