Coronavirus : पुण्यात ‘कोरोना’मुळं 24 तासात 9 जणांचा मृत्यू तर 246 नवे पॉझिटिव्ह, आतापर्यंत 273 बळी
पुणे : पोलीसनामा ऑनलाइन – कोरोना व्हायरसनं सर्वत्रच थैमान घातलं आहे. पुणे शहरात कोरोनामुळं गेल्या 24 तासात 9 जणांचा मृत्यू झाला आहे तर 246 नवे पॉझिटिव्ह रूग्ण आढळून आले आहेत. कोरोनामुळं आतापर्यंत 273 जणांचे बळी गेले आहेत. दरम्यान, उपचारानंतर बर्या होणार्या रूग्णांची संख्या देखील वाढत आहे. नागरिकांनी विनाकारण घराबाहेर पडू नये, महत्वाचे काम असल्यास मास्क परिधान करावे असे आवाहन प्रशासनाकडून वेळावेळी करण्यात येत आहे.
आज नवे 246 कोरोना रुग्ण आढळून आले!
नायडू रुग्णालय 208, खासगी 33 आणि ससूनमध्ये 05 पॉझिटिव्ह रुग्ण आढळून आले.
पुणे शहरातील एकूण पॉझिटिव्ह रूग्णसंख्या 5427.#coronavirus #Pune pic.twitter.com/E9z3YobuEY— Smart Pune (@SmartPune) May 26, 2020
दिवसभरात नवे २४६ कोरोनाबाधित !
पुणे शहरात आज नव्याने २४६ कोरोनाबाधित रुग्ण आढळले असून यात नायडू-महापालिका रुग्णालये २०८ , खासगी ३३ आणि ससूनच्या ०५ रुग्णांचा समावेश आहे. आजच्या २४६ रुग्णांसह पुणे शहरातील एकूण संख्या ५ हजार ४२७ इतकी झाली आहे.#PuneFightsCorona
— Murlidhar Mohol (@mohol_murlidhar) May 26, 2020
पुणे शहरात 5427 कोरोनाबाधित असून त्यापैकी 2279 अॅक्टीव्ह आहेत. आतापर्यंत 2875 रूग्ण उपचारानंतर बरे झाले असून त्यांना डिस्चार्ज देण्यात आला आहे. आज दिवसभरात 140 रूग्णांना डिस्चार्ज देण्यात आला असून त्यामध्ये नायडू हॉस्पीटलमधील 81, ससूनमधील 4 आणि इतर खासगी रूग्णालयातील 55 जणांचा समावेश आहे. अॅक्टीव्ह रूग्णांपैकी 176 क्रिटिकल रूग्णांवर उपचार सुरू आहेत. त्यापैकी 44 रूग्ण व्हेंटिलेटवर उपचार घेत आहेत. पुणे शहरात आतापर्यंत 273 जणांचा कोरोनामुळं मृत्यू झाला आहे. शहरातील एकुण कोरोनाबाधितांची संख्या 5427 आहे. गेल्या 24 तासात 9 कोरोनाबाधितांचा मृत्यू झाला आहे तर 246 नवे पॉझिटिव्ह रूग्ण आढळून आले आहेत.