Income Tax Notice | …मग तुम्हाला देखील येऊ शकते इन्कम टॅक्सची नोटीस; काय ते जाणून घ्या
नवी दिल्ली : वृत्तसंस्था – Income Tax Notice | अर्थिक व्यवहारांवर नजर ठेवता येण्यासाठी सरकारने अनेक पेमेंटसाठी डिजिटल व्यवहार (Digital Transactions) बंधणकारक केले आहेत. त्यामुळे सध्याच्या व्यवहारात डिजिटल पद्धतीने काम पाहिले जाते. दरम्यान, रोखीने पैसे (Cash Transactions) भरणाऱ्यांची कमतरता नसली तरी आयकर विभागाची त्यावर नजर असते. हे जरी संबधित लोकांना माहित नसले तरी एका मर्यादेपेक्षा अधिक रोखीच्या व्यवहारावर आयकर विभागाची नोटीस (Income Tax Notice) येऊ शकते.
समजा कोणी बँका, म्युच्युअल फंड, ब्रोकरेज हाऊस आणि प्रॉपर्टी रजिस्ट्रर यांच्यासोबत मोठे रोख व्यवहार करत असतील तर त्यांना आयकर विभागाला (Income Tax Department) कळवावे लागणार आहे. डिजिटल पेक्षा अधिक रोख व्यवहार करणाऱ्या लोकांपैकी तुम्हीही असाल तर तुम्ही त्रस्त करत आहात. दरम्यान महत्वाचे म्हणजे असे काही रोख व्यवहार आहेत त्याबाबत जाणून घ्या की ज्यामुळे तुम्हाला आयकर विभागाची नोटीस मिळू शकते.
–
1. मालमत्ता खरेदी (Property Purchase) –
संबंधित व्यक्तीने तीस लाख रुपये अथवा त्याहून जादा दराची मालमत्ता रोखीने खरेदी केली अथवा विकली, तर मालमत्ता निबंधकाच्या वतीने आयकर विभागाला माहिती पाठवली जाईल.
या स्थितीमध्ये आयकर विभाग तुमच्याकडून या रोख व्यवहाराबाबत चौकशी करू शकतो, पैशाच्या स्त्रोताबाबत स्पष्टीकरणही मागू शकते. (Income Tax Notice)
2. क्रेडिट कार्डचे बिल (Credit Card Bills) –
क्रेडिट कार्डचे (Credit card) बिल रोखीने जमा केले तर तुमच्यासाठी समस्या निर्माण होऊ शकते.
जर तुम्ही क्रेडिट कार्डच्या बिलाच्या रूपामध्ये एकावेळी एक लाख रुपयांपेक्षा अधिक रोख रक्कम जमा केली तर तुम्हाला आयकर विभागाची नोटीस येऊ शकते.
तसेच, तुम्ही एका आर्थिक वर्षात दहा लाख रुपयांपेक्षा अधिक रकमेचे क्रेडिट कार्ड बिल रोखीने भरले तरी देखील तुम्हाला पैशाच्या स्रोताबाबत विचारले जाऊ शकणार आहे.
3. शेअर, म्युच्युअल फंडची खरेदी (Buying Shares, Mutual Funds)-
शेअर्स, म्युच्युअल फंड, डिबेंचर्स आणि बाँड्समध्ये मोठ्या प्रमाणात रोख व्यवहार करत असाल तर सावध राहणे महत्वाचे असणार आहे.
कारण एका आर्थिक वर्षात यामध्ये दहा लाख रुपयांपेक्षा अधिक गुंतवणूक केल्यास तुम्हाला आयकर विभागाकडून (Income Tax Department) नोटीस येऊ शकते.
4. एफडीमध्ये रोख जमा करणे (Depositing Cash in FD) –
एका वर्षामध्ये दहा लाख रुपयांपेक्षा अधिक मुदत ठेवींमध्ये (FD) जमा केल्यास,
ते एकाच वेळी अथवा अनेक वेळा जमा केले जातात.
आयकर विभाग तुम्हाला या निधीच्या स्रोताबाबत विचारू शकतो.
त्यामुळे तुम्ही FD मध्ये डिजिटल पद्धतीने पैसे जमा केले तर बरे होईल,
जेणेकरून आयकर विभागाकडे तुमच्या व्यवहारांची नोंद असेल आणि तुम्हाला कोणतीही अडचण मध्ये येणार नसल्याचं म्हटलं आहे.
–
5. बँक खात्यात पैसे जमा करणे (Depositing Money In a Bank Account) –
एका वर्षात मुदत ठेवीत दहा लाख अथवा त्याहून जादा रोख रक्कम जमा केल्यास आयकर विभाग तुम्हाला सवाल विचारू शकणार आहेत, तसेच, तुम्ही कोणत्याही बँकेत अथवा सहकारी बँकेत एका वर्षामध्ये दहा लाख अथवा त्याहून जादा रोख रक्कम जमा केली असेल.
तर तुम्ही आयकर विभागाच्या जाळ्यात देखील सापडणार आहे.
Web Title :- Income Tax Notice | income tax department notice these high value cash transaction may cause you income tax department notices
Join our WhatsApp Group, Telegram, facebook page and Twitter for every update
- Gold Price Today | सोनं पुन्हा 52 हजाराची पातळी गाठणार ? सध्या बाजारात सोन्याचा भाव किती? जाणून घ्या