ताज्या बातम्यामहत्वाच्या बातम्या

‘आमचं काम सीमेवर रस्ते तयार करणं, कोणत्याही आक्षेपांची चिंता नाही’, BRO नं दिलं चीनला स्पष्ट सांगितलं

BRO

नवी दिल्ली, वृत्तसंस्था : सीमा विवाद दरम्यान भारताच्या बॉर्डर रोड ऑर्गनायझेशन (बीआरओ) ने हे स्पष्ट केले आहे की त्यांचा चीनच्या आक्षेपांशी काही संबंध नाही. रस्ता बांधणीबाबत चीनकडून वारंवार आक्षेप घेतल्याबद्दल वृत्तसंस्थेतील एएनआयशी संवाद साधताना बीआरओचे कार्यकारी अभियंता बी. किशन म्हणाले की, ‘सीमा रस्ते संघटनेचा आक्षेपाशी काही संबंध नाही. आम्हाला नेमलेले काम आम्ही करतो.’

बी. किशन यांनी म्हटले आहे की, आमच्या संस्थेने तीन पुल बांधले आहेत, त्या माध्यमातून चीनबरोबर झालेल्या वादादरम्यान लष्कराचे टॅंक एलएसीपर्यंत पोहोचले. ते म्हणाले की आम्ही रेकॉर्ड वेळेत एनएच -1 वर रस्ता तयार केला आहे. या रस्त्यावर कोणत्याही प्रकारचे अवजड वाहन वाहून नेणे शक्य आहे. महत्त्वाचे म्हणजे भारत-चीन सीमा वादामागील मुख्य कारण म्हणजे लडाखच्या सीमावर्ती भागात रस्ता बांधकाम. वास्तविक चीन आपल्या भागात मोठी बांधकामे करीत आहे, परंतु भारताच्या पायाभूत सुविधांवर प्रश्न उपस्थित करून दादागिरी दाखविण्याचा प्रयत्न करतो.

दोन महिन्यांपासून चालू आहे सीमा विवाद

महत्त्वाचे म्हणजे चीनच्या सीमेचा वाद मे च्या पहिल्या आठवड्यात सुरू झाला परंतु 15 जून रोजी गलवान खोऱ्याच्या हिंसक संघर्षात 20 भारतीय सैनिक शहीद झाल्यानंतर भारत कडून कठोर भूमिका घेण्यात आली. चीनला कडक संदेश देण्यासाठी भारताने एका पाठोपाठ एक अशी अनेक पावले उचलली. संपूर्ण वादाच्या वेळी भारताने हे स्पष्ट केले आहे की ते आपल्या अखंडतेवर आणि सार्वभौमत्वाशी तडजोड करणार नाही.

परिस्थिती सामान्यतेकडे वाटचाल करत आहे

भारताचे राष्ट्रीय सुरक्षा सल्लागार अजित डोभाल आणि चीनचे परराष्ट्रमंत्री वांग यी यांच्यात चर्चा झाल्यानंतर सीमा विवाद अधिक हलके होताना दिसत आहेत. तीन फेऱ्यांमध्ये झालेल्या लष्करी अधिकारी स्तरावरील चर्चेत कोणताही तोडगा निघाला नव्हता. दरम्यान 5 जुलै रोजी भारताकडून सीमा विवादासंदर्भात विशेष प्रतिनिधी अजित डोभाल यांची चीनच्या परराष्ट्रमंत्र्यांसोबत झालेल्या चर्चेनंतर आता परिस्थिती सामान्य असल्याचे दिसते.