3 महिन्याच्या प्रतिक्षेनंतर सुरू झालं ‘ऑपरेशन स्नो लियोपार्ड’, सैन्यांनी केली चीनवर मात
नवी दिल्ली, वृत्तसंस्था : भारत आणि चीनची सैन्ये यावेळी लडाख सीमेवर समोरासमोर आहेत. गेल्या पाच महिन्यांपासून सीमेवर तणाव सूरू आहे. सुरुवातीला चीनने अनेक वेळा घुसखोरी करण्याचा प्रयत्न केला, पण आता सीमेवरील डाव पूर्णपणे उलटला आहे. आणि यामागील कारण म्हणजे भारतीय सेनेचे ‘ऑपरेशन स्नो लियोपार्ड’ यामुळे चीनच्या प्रत्येक हालचाली हाणून पाडल्या.
चीनने सीमेवर घुसखोरी करण्याचा प्रयत्न केला तेव्हा सैन्याने तीन महिन्यांपर्यंत चीनच्या परत जाण्याची वाट पाहिली. पण नंतर आर्मी चीफ जनरल एम.एम. नरवणे आणि कमांडर लेफ्टनंट जनरल वाय.के. जोशी यांनी या ‘ऑपरेशन स्नो लियोपार्ड’ ला मान्यता दिली. या कारवाईत एलएसी जवळ रणनीतिकदृष्ट्या बळकट टेकड्या ओळखल्या गेल्या. या टेकड्यांच्या आधारावर, सीमेवरच्या युद्धाच्या परिस्थितीसाठी भारताला केवळ मदत मिळालीच नाही, तर चीनपेक्षा काही पाऊल पुढे रणनीतिकदृष्ट्या पुढे सरकले. ऑपरेशन पार पाडण्याची पाळी आली की अशी एक टीम तयार केली गेली जी उंच डोंगरावर संघर्ष करण्यास सक्षम असेल. टेकडी काबीज करणे आणि पुरवठा साखळी सुरळीत चालू ठेवण्याचे काम प्रत्येक संघाला देण्यात आले.
या कारवाई दरम्यान सैन्याने दक्षिणेकडील उत्तर भागातील पांगोंग तलाव ताब्यात घेतला तसेच सीमेसह काही इतर महत्त्वाच्या ठिकाणी आत शिरकाव केला. या मोहिमेनंतर आता लष्कराची स्पेशल फोर्स सीमेवर कमांडिंग पोजीशनवर असून तिथे तणावाची परिस्थिती निर्माण झाली होती. चिनी सैन्याच्या जागेवर आणि गस्त ठेवण्याच्या जागेवर प्रभुत्व मिळवण्याचा सैन्याचा प्रयत्न होता.
आता एलएसीवरील चर्चा यशस्वी झाली नाही तर लष्कराने त्यासाठी तयारी केली आहे. लष्कराकडून मोठ्या संख्येने सैनिक तैनात करण्यात आले आहेत, जेणेकरून एप्रिलपूर्वीची परिस्थिती परत येऊ शकेल. एलएसीची उपस्थिती केवळ पॅनगॉंग किंवा डेमचॉक भागातच नव्हे तर दौलत बेग ओल्डि, डेप्सांग यासारख्या भागातही आहे.
वायुसेनाही भारतीय सैन्याला पाठिंबा देण्यासाठी सज्ज आहे. म्हणजेच आता केव्हा बोलायचे हे चीनने ठरवायचे आहे. आता जर भारताला हवे असेल तर तो चीनशी स्वतःच्या अटींबाबत बोलू शकेल. हेच कारण आहे की पुढील संभाषणाचा कालावधी चिनी कमांडरने ठरविला नाही. कारण ऑपरेशन स्नो लियोपार्डच्या जोरावर भारताने चीनचा खेळ खराब केला आहे.
दरम्यान, नूकताच संरक्षणमंत्री राजनाथ सिंह यांनी लोकसभेत चीनशी झालेल्या वादावरुन निवेदन दिले. राजनाथ सिंह म्हणाले की, गेल्या काही काळामध्ये चीनने अनेकदा करारांचे उल्लंघन केले आणि एलएसीची परिस्थिती बदलण्याचा प्रयत्न केला. पण यावर भारत तयार नाही, भारताला वाटाघाटीद्वारे हा प्रश्न सोडवायचा आहे परंतु प्रत्येक परिस्थितीसाठी तो तयार आहे.