राष्ट्रीयआंतरराष्ट्रीय

PM मोदींनी Weibo वरून बाहेर पडण्याचा घेतला निर्णय, पोस्ट ‘डिलीट’ करून चीनला दिलं उत्तर

नवी दिल्ली, वृतसंस्था : लडाखच्या गलवान खोऱ्यात चीनने केलेल्या हस्तक्षेपानंतर भारत आर्थिक आघाडीवर ड्रॅगनला कचाट्यात अडकविण्याचा प्रयत्न करत आहे.  59 चिनी अ‍ॅप्सवर बंदी घालल्यानंतर पंतप्रधान नरेंद्र मोदी यांनी चीनच्या सोशल मीडिया प्लॅटफॉर्म  वीबोवरून बाहेर पडण्याचा निर्णय घेतला आहे. पीएम मोदी 2015 मध्ये  वीबोशी संबंधित होते. वृत्तसंस्था एएनआय च्या मते, चीनमधील  59 अ‍ॅप्सवर बंदी घालल्यानंतर पंतप्रधान मोदींनी हा निर्णय घेतला आहे.

मिळालेल्या माहितीनुसार,  व्हीआयपी अकाउंट हटविण्याची प्रक्रिया गुंतागुंतीची आहे. दरम्यान, अकाउंट हटविण्याची अधिकृत प्रक्रिया सुरू केली गेली आहे. चीनकडून परवानगी घेण्यास बराच विलंब होत आहे आणि कारण दिले गेले नाही. यावर पीएम मोदी यांनी 115 पोस्ट केले असून त्यातील 113 काढले गेले आहेत.

बुधवारी पंतप्रधान मोदींच्या  वीबो  खात्यातून त्यांच्या प्रोफाइल फोटोसह अन्य माहिती काढून टाकली गेली. पंतप्रधान म्हणून चीनच्या पहिल्या भेटीत पीएम मोदी यांचे खाते 2015 मध्ये तयार करण्यात आले होते. विशेषत: चिनी अध्यक्ष शी जिनपिंग यांच्याशी झालेल्या भेटीनंतर पंतप्रधान भारत-चीन संबंधांवर संदेश देत आहेत. पंतप्रधानांच्या  वीबो   खात्यावरील पोस्ट चिनी भाषेत होती.

दरम्यान, 15  जून रोजी गलवान खोऱ्यात भारत आणि चिनी सैनिकांत  झालेल्या हिंसक चकमकीनंतर दोन्ही देशांमधील तणाव वाढत  आहे. या घटनेनंतर भारत चीनला धडा शिकवण्याचा दृढनिश्चय करीत आहे. भारत सध्या चीनला आर्थिक आघाडीवर दुखापत करण्याचा प्रयत्न करत आहे. सोमवारी मोदी सरकारने टिक- टॉक,  शेयरइट, हॅलो, यूसी ब्राउझर आणि वी- चॅटसह एकूण  59  अ‍ॅप्सवर  बंदी घातली. त्याचबरोबर भारत आता सर्व महामार्ग प्रकल्पांमध्ये चिनी कंपन्यांवर बंदी घालण्याची तयारी करत आहे. केंद्रीय मंत्री नितीन गडकरी यांनी ही माहिती दिली. चिनी कंपन्यांना जॉइंट वेंचर पार्टनर (जेव्ही) म्हणूनही  काम करण्याची परवानगी दिली जाणार नाही. यापूर्वी चिनी कंपन्यांना अनेक रेल्वे कंत्राटातून बाहेर फेकण्यात आले होते.