Coronavirus in India : भारताने अमेरिकेलाही टाकले मागे; एकाच दिवशी 3.16 लाख नवे रुग्ण
नवी दिल्ली : वृत्त संस्था – देशात नवीन कोरोना रुग्णांचा आकडा विक्रमी ठरत असून आज भारतात २४ तासात सापडलेल्या नवीन रुग्णांच्या संख्येने अमेरिकेलाही मागे टाकले आहे. भारतात बुधवारी दिवसभरात तब्बल ३ लाख १५ हजार ४७८ नवीन कोरोना रुग्ण आढळून आले आहे. एकाच दिवसात सापडलेले जगभरातील ही सर्वाधिक संख्या आहे.
India reports 3,14,835 new #COVID19 cases, 2,104 deaths and 1,78,841 discharges in the last 24 hours, as per Union Health Ministry
Total cases: 1,59,30,965
Total recoveries: 1,34,54,880
Death toll: 1,84,657
Active cases: 22,91,428Total vaccination: 13,23,30,644 pic.twitter.com/S5wPm9KGwf
— ANI (@ANI) April 22, 2021
याआधी जगात एकाच दिवशी सर्वाधिक कोरोना रुग्ण अमेरिकेत ८ जानेवारी २०२१ रोजी ३ लाख ७ हजार ५७० नवीन रुग्ण आढळून आले होते. गेल्या २४ तासात २१०१ जणांना आपला जीव गमवावा लागला आहे. बुधवारी १ लाख ७९ हजार ३७२ रुग्ण बरे झाले आहेत. कोरोनामुळे आतापर्यंत १ लाख ८४ हजार ६७२ जणांचा मृत्यु झाला आहे़ कोरोना बाधितांची देशातील एकूण संख्या १ कोटी ५९ लाख २४ हजार ७३२ इतकी झाली आहे. देशात सध्या २२ लाख ८४ हजार २०९ सक्रीय रुग्ण आहेत.