नवी दिल्ली : वृत्तसंस्था – भारतीय संघ ३ ते १४ ऑगस्ट दरम्यान वेस्टइंडीजमध्ये ३ टी -२० आणि ३ एकदिवसीय सामने खेळणार आहे. त्याचबरोबर अँटिग्वा आणि जमैका मध्ये दोन कसोटी सामने देखील खेळणार आहे. वर्ल्डकपमधील पराभवाला मागे सोडून भारतीय संघ पुन्हा नव्याने उभारी घेण्याचा प्रयत्न करणार आहे. अनेक खेळाडूंना बाहेरचा रस्ता दाखवण्यात आलेला आहे तर बीसीसीआयने यावर कडक भूमिका घेत भारतीय संघाचा प्रशिक्षक देखील बदलण्याचा निर्णय घेतला. त्यामुळे २०२३ च्या वर्ल्डकपच्या दृष्टीने भारतीय संघात युवा खेळाडूंना स्थान देण्यास सुरुवात केली आहे.
या चार खेळाडूंना अखेरची संधी
१) मनीष पांडे
चौथ्या क्रमांकावरील फलंदाज म्हणून मनीष पांडेला संधी देण्यात आली आहे. वर्ल्डकपममध्ये भरती संघ चौथ्या क्रमांकासाठी झटत होता. त्यामुळे मनीष पांडेला या स्थानावर संधी देऊन त्याला पुढील वर्ल्डकपसाठी तयार करण्यात येत आहे. त्यामुळे त्याला आपल्या खेळात सातत्य राखणे गरजेचे आहे.
२) केदार जाधव
३४ वर्षीय केदारला या वर्ल्डकपमध्ये उत्तम कामगिरी करण्यात अपयश आले. मात्र या स्पर्धेत त्याला संधी देखील मिळाल्या नाहीत. त्याने आतापर्यंत ६५ एकदिवसीय सामन्यांत १२५४ धावा केल्या आहेत. त्यामुळे या दौऱ्यात त्याला उत्तम कामगिरी करावी लागेल अन्यथा त्याच्यासाठी हि शेवटची संधी ठरू शकते.
३) केएल राहुल
शिखर धवनच्या दुखापतीनंतर सलामीला संधी देण्यात आलेल्या राहुलला वर्ल्डकपमध्ये म्हणावी तितकी चांगली कामगिरी करता आली नव्हती. ३४ कसोटी सामन्यात त्याला केवळ १९०५ धावा करता आल्या आहेत. त्यामुळे त्याने चांगली कामगिरी केली नाही तर पृथ्वी शॉ त्याची जागा घेऊ शकतो.
४) वृद्धिमान सहा
भारताचा हा यष्टीरक्षक फलंदाज आपला शेवटचा कसोटी सामना जानेवारी २०१८ मध्ये दक्षिण आफ्रिकेविरुद्ध खेळला होता. त्यामुळे आता पुन्हा एकदा चांगली कामगिरी करण्याचे त्याच्यापुढे आव्हान आहे. आतापर्यंत ३२ कसोटी सामन्यात ११६४ धावा केल्या आहेत.त्याच्यासाठी देखील हि शेवटची संधी ठरू शकते.
- रोगप्रतिकारकशक्ती झटपट वाढवतील ‘हे’ १० साधेसोपे उपाय, जाणून घ्या
- एखाद्या स्त्रिला होणाऱ्या ‘या’ सामान्य समस्यांना आजार समजू नका
- तंदुरुस्त राहण्यासाठी आहारात करा ‘या’ पाच ‘सुपरफूड’चा समावेश
- महिलांकडून होऊ शकतात ‘या’ ९ प्रणय मिस्टेक्स, यामुळे वाढू शकतो दुरावा
- ‘या’ ३ पद्धतीने ७ दिवसात कमी होऊ शकतो फॅट, जाणून घ्या कोणती पद्धत
- मधुमेह रुग्णांसाठी ‘उंटिणीचे’ दूध फायदेशीर ; घ्या जाणून
- नाभीच्या इन्फेक्शनची समस्या दूर करतील ‘हे’ ७ घरगुती उपाय