ही आहेत राज्यातील बोगस विद्यापीठे
ज्या तीन शिक्षण संस्थांना बोगस जाहीर करण्यात आले आहे. त्यात मुंबईतील दोन तर पुणे येथील एक संस्थेचा समावेश आहे. मुंबईतील इंडियन इन्स्टिट्यूट ऑफ अल्टरनेटिव मेडिसिन अ‍ॅण्ड नॅचरल हीलिंग आणि नॅशनल इन्स्टिट्यूट इव्हेंट मॅनेजमेंट या दोन्ही संस्था अंधेरी पश्चिमेला आहेत. दि इंडियन बोर्ड ऑफ हेल्थ एज्यूकेशन अ‍ॅण्ड रिसर्च, ही संस्था पुण्यामध्ये आहे.
केंद्रीय विद्यापीठातर्फे दरवर्षी देशभरातील बोगस विद्यापीठांची यादी जाहीर केली जाते. त्यानुसार यूजीसीकडून यादी तयार केली जाते. यापूर्वीच यूजीसीने नागपूर येथील राजा अरेबिक यूनिव्हर्सिटीला बोगस जाहीर केले होते. बिहार, दिल्ली, कर्नाटक, केरळ, महाराष्ट्र, पश्चिम बंगाल, उत्तरप्रदेश, ओडिशा, पाँडेचरी अशा ९ राज्यांमधील एकूण २४ विद्यापीठे तसेच शिक्षण संस्था यांना विद्यापीठ अनुदान आयोगाने बोगस म्हणून जाहीर केले आहे.
२०१६ साली देशात २१ वर मर्यादित असलेली बोगस विद्यापीठांची संख्या यंदा २४ वर पोहोचली आहे. यात प्रामुख्याने राजधानी दिल्ली आणि उत्तर प्रदेशात सर्वाधिक बोगस विद्यापीठे असल्याचे केंद्रीय अनुदान आयोगाने (यूजीसी) जाहीर केलेल्या बोगस विद्यापीठांच्या यादीतून स्पष्ट झाले आहे.