विमाधारकांसाठी खुशखबर ! आता ‘या’ आजारांसाठी देखील मिळणार इन्शुरन्सचे ‘कव्हर’

नवी दिल्ली : वृत्तसंस्था – भारतीय विमा नियामक आणि विकास प्राधिकरणाने (IRDA) विमाधारकास मोठा फायदा दिला आहे. नवीन मार्गदर्शक तत्त्वांनुसार, विमा कंपन्या यापुढे कामाच्या ठिकाणी धोकादायक परिस्थितीतील काम, आर्टिफिशल लाइफ मेंटेनन्स मुळे होणारे आजार, मानसिक रोग, वयाशी संबंधित रोग आणि जन्मजात आजारांना आरोग्याच्या आवरणापासून म्हणजेच विमा कवचातून वगळू शकणार नाहीत.

कारखानदारांना दिलासा :

या संदर्भात आयआरडीएने म्हटले आहे की मोतीबिंदूच्या शस्त्रक्रिया, गुढग्याची वाटी बदलणे, अल्झायमर आणि पार्किन्सन यासारख्या वयाशी संबंधित समस्यांचादेखील समावेश केला जाईल. मिळालेल्या वृत्तानुसार, कारखान्यातील कामगारांसाठी नवीन मार्गदर्शक सूचनाही जारी करण्यात आल्या आहेत. धोकादायक रसायनांसह काम करणाऱ्या लोकांच्या दीर्घकालीन आरोग्यावर दुष्परिणाम होत आहेत. म्हणूनच, त्यांच्या श्वासोच्छ्वास आणि त्वचेच्या उपचारांना यापुढे विमा कवच नाकारता येत नाही.

जर एखादा कर्मचारी एका कंपनीतून दुसऱ्या कंपनीकडे हस्तांतरित झाला असेल आणि प्रतीक्षा कालावधीच्या आवश्यकतेचा भाग पूर्ण केला असेल तर नवीन कंपनीद्वारे त्या कर्मचार्‍यांना केवळ अनपेक्षित प्रतीक्षा कालावधी लागू होईल. तसेच जर विमा कंपनीला अपस्मार, मूत्रपिंड, एचआयव्ही सारख्या गंभीर आजाराचा धोका नको असेल तर त्यासाठी खास शब्द वापरला जाईल. अशा परिस्थितीत ३० दिवस ते एक वर्षासाठी प्रतीक्षा कालावधी असेल, त्यानंतर कव्हर पुन्हा सुरू होईल.

हे लक्षात ठेवा :

या संदर्भात, आइडियल इन्शोरन्स ब्रोकर्स चे संस्थापक राहुल अग्रवाल म्हणाले की, ‘आजपर्यंत कव्हर न मिळालेल्या कोट्यावधी लोकांसाठी ही निश्चितच चांगली बातमी आहे. परंतु विमाधारकांनी एका गोष्टीची विशेष काळजी घेणे आवश्यक आहे की नवीन नियमावलीनंतर प्रीमियममध्ये लक्षणीय वाढ होऊ शकते म्हणून त्यांना सावधगिरी बाळगावी लागेल.

म्हणून झाला निर्णय :

गेल्या वर्षी नोव्हेंबरमध्ये कार्य समितीने IRDA ला अहवाल सादर केला. अहवालात म्हटले आहे की विमा कंपन्या अल्झायमर, पार्किन्सन, एचआयव्ही किंवा एड्स यासारख्या धोकादायक आजारांना संरक्षण देऊ शकत नाहीत. तर या सूचना डोळ्यासमोर ठेवून आयआरडीएने हा महत्वपूर्ण निर्णय घेतला आहे.

Visit : policenama.com 

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
W3Schools
You might also like