जसप्रीत बुमराहने IPL 2020 मध्ये जी धमाल केली, ती पहाता अन्य गोलंदाजांची उडाली झोप !

नवी दिल्ली : वेगवान गालंदाज जसप्रीत बुमराहने आयपीएल 2020 मध्ये आपल्या बॉलिंगने कमाल केली आहे. 5 नोव्हेंबरला अगोदर क्वालिफायरमध्ये दिल्ली कॅपिटल्सच्याविरूद्ध त्याच्या चेंडूंनी फलंदाजांना हैराण केले. दिल्लीच्या विरोधात बुमराहच्या ओव्हरच्या 24 पैकी 17 चेंडूंवर एकही धाव करता आली नाही. बुमराहने चार ओव्हरच्या स्पेलमध्ये 14 धावा दिल्या आणि चार विकेट घेतल्या. त्याची एक ओव्हर मेडन सुद्धा राहील. या चार विकेटसह बुमराह आयपीएल 2020 मध्ये पर्पल कॅपचा दावेदार बनला. त्याच्या नावावर 14 मॅचमध्ये 27 विकेट झाल्या आहेत. ही आयपीएलमध्ये एखाद्या भारतीय गोलंदाजाची सर्वोत्तम कामगिरी आहे. बुमराहने भुवनेश्वर कुमारचा विक्रम मोडला. भुवीने आयपीएल 2016 मध्ये 26 विकेट घेतल्या होत्या.

आयपीएल 2020 मध्ये पाचवेळा तीन किंवा सर्वात जास्त विकेट
बुमराह आयपीएल 2020 मध्ये जबरदस्त गोलंदाजी करत आहे. दिल्लीच्या विरोधात प्लेऑफ मॅचच्या अगोदरच्या दोन मॅचमध्ये त्यांनी सहा विकेट घेतल्या होत्या. या सीझनमध्ये त्याने पाचवेळा एका मॅचमध्ये तीन विकेट घेतल्या आहेत. ही कोणत्याही आयपीएल सीझनमध्ये मुंबई इंडियन्सच्या गोलंदाजाची सर्वोत्तम कामगिरी आहे. या सीजनमध्ये त्याने दोनवेळा चार-चार विकेट घेतल्या आहेत. असे करणारा तो एकमेव गोलंदाज आहे. प्लेऑफमध्ये 14 धावांवर चार विकेट घेणे त्याच्या टी20 मॅचेसमधील सर्वांत चांगली कामगिरी आहे. सोबतच प्लेऑफ मॅचमध्ये ही एखाद्या गोलंदाजाची सर्वात चांगली बॉलिंग फिगर आहे.

14व्या वेळा एका मॅचमध्ये तीनपेक्षा जास्त विकेट
बुमराहने आयपीएलमध्ये 14 वेळा एका मॅचमध्ये तीनपेक्षा जास्त विकेट घेतल्या आहेत. या यादीत तो तिसर्‍या नंबरवर आहे. त्याच्या पुढे लसित मलिंगा (19) आणि अमित मिश्रा (16) आहेत. बुमराहच्या शिवाय आशीष नेहरा आणि उमेश यादवने सुद्धा 14 वेळा 3-3 विकेट घेतल्या होत्या. बुमराहने आतापर्यंत आयपीएलमध्ये 91 मॅच खेळल्या आहेत आणि 7.41 च्या हिशेबाने 109 विकेट घेतल्या आहेत. एका सीझनमध्ये विकेट घेण्याचा विचार करता आयपीएल 2020 त्याचे सर्वात खास वर्ष ठरले आहे. यापूर्वी आयपीएल 2017 मध्ये त्याने 20 विकेट घेतल्या होत्या.