IPL 2022 Final GT vs RR Live | रणवीरच्या परफॉर्मन्ससोबत सुरू झाला क्लोजिंग सेरेमनी; मिळणार नवीन चॅम्पियन की 14 वर्षानंतर इतिहासाची होणार पुनरावृत्ती ?
file photoनवी दिल्ली : वृत्तसंस्था – IPL 2022 Final GT vs RR Live | आयपीएल 2022 चा अंतिम सामना पाहण्यासाठी माजी भारतीय खेळाडू व्ही व्ही एस लक्ष्मण पोहोचले आहेत. सोशल मीडियावर फोटो शेअर करून त्यांनी याबाबत माहिती दिली. आयपीएल 2022 चा समारोप सोहळा सुरु झाला आहे. बॉलीवूड अभिनेता रणवीर सिंगचा शानदार शो झाला आहे. तत्पूर्वी, BCCI अध्यक्ष सौरव गांगुली, जय शाह आणि ब्रिजेश पटेल यांनी जगातील सर्वात मोठ्या आयपीएल जर्सीचे उद्घाटन केले. आयपीएल 2022 चा समारोप सोहळा सुरु झाला आहे. (IPL 2022 Final GT vs RR Live)
संजू सॅमसनने 13 वेळा नाणेफेक गमावली आहे
राजस्थान रॉयल्सचा कर्णधार संजू सॅमसनने या मोसमात 16 सामन्यांमध्ये 13 वेळा नाणेफेक गमावली आहे. मात्र, त्यामुळे संघाच्या कामगिरीत विशेष फरक पडलेला नाही. राजस्थानने या स्पर्धेत आतापर्यंत 14 पैकी 9 सामने जिंकले आहेत. आजच्या सामन्यातही सॅमसन नाणेफेकीपेक्षा कामगिरीवर अधिक भर देणार आहे. या मोसमाच्या स्पर्धेत बहुतेक कर्णधारांनी नाणेफेक जिंकून प्रथम गोलंदाजी करण्याचा निर्णय घेतला आहे.
सामना अर्धा तास उशिरा सुरू होईल
आयपीएल 2022 चा अंतिम सामना इतर सामन्यांच्या तुलनेत अर्धा तास उशिराने सुरू होईल. हा सामना 7:30 ऐवजी 8:00 वाजता सुरू होईल, तर नाणेफेक 7:30 वाजता होईल. सामन्यापूर्वी समारोप समारंभ सुरू आहे.
आकडेवारीत गुजरातचा वरचष्मा
आयपीएल 2022 मध्ये गुजरात आणि राजस्थान यांच्यात दोन सामने झाले आहेत. गुजरातने दोन्ही सामने जिंकले आहेत. या स्पर्धेतील 24 वा सामना राजस्थान रॉयल्स आणि गुजरात टायटन्स यांच्यात झाला. जीटीने हा सामना 37 धावांनी जिंकला, तर क्वालिफायर 1 मध्ये जेव्हा दोन्ही संघ आमनेसामने होते, तेव्हा गुजरातने सामना जिंकला होता आणि आरआरचा 7 गडी राखून पराभव केला होता. (IPL 2022 Final GT vs RR Live)
—
गुजरात घरच्या मैदानावर फायनल खेळणार
आयपीएल 2022 मध्ये, गुजरात टायटन्स या नवीन संघाने चमकदार कामगिरी केली आहे. हार्दिक पांड्याच्या नेतृत्वाखाली संघाने 14 पैकी 10 सामने जिंकून अंतिम फेरीत धडक मारली. जीटीने क्वालिफायर 1 मध्ये राजस्थानचा पराभव करून अंतिम फेरीत प्रवेश केला होता. आता अंतिम फेरीतही गुजरातचा सामना राजस्थानशी होणार आहे. गुजरातचा अंतिम सामना त्यांच्या घरच्या मैदानावर म्हणजेच अहमदाबादच्या नरेंद्र मोदी स्टेडियमवर होणार आहे.
शेवटचा समारोप झाला होता 2018 मध्ये
2018 साली इंडियन प्रीमियर लीगमध्ये शेवटच्या वेळी समारोप समारंभ आयोजित करण्यात आला होता.
2019 मध्ये पुलवामा हल्ला आणि 2020 – 2021 मध्ये कोरोना महामारीमुळे हा कार्यक्रम पुढे ढकलण्यात आला होता.
आयपीएल 2022 चा समारोप समारंभ भारताच्या स्वातंत्र्याच्या 75 वर्षांच्या स्मरणार्थ टीम इंडियाच्या 75 वर्षांच्या प्रवासाचे प्रदर्शन करत आहे.
—
छऊ नृत्याचे कलाकारही करणार सादरीकरण
आयपीएल 2022 च्या समारोप समारंभात झारखंडच्या छऊ नृत्याचे कलाकारही सादरीकरण करणार आहेत.
प्रभात कुमार महतो यांच्या नेतृत्वाखाली 10 सदस्यीय छऊ नृत्य पथक अहमदाबादला आधीच पोहोचले होते.
या संघाने भूतान, यूएई आणि चीनसह अनेक देशांमध्ये आपल्या कलेचे प्रदर्शन केले आहे.
प्रभात महतो यांचा समूह मानभूम छऊ सादर करणार आहे, जे छऊ नृत्याच्या सर्वात प्रसिद्ध प्रकारांपैकी एक आहे.
आमिर खान कॉमेंट्री करताना दिसणार आहे
आयपीएल 2022 च्या अंतिम सामन्यात आमिर खान देखील क्रिकेट कॉमेंट्री करताना दिसणार आहे आणि यावेळी नरेंद्र मोदी स्टेडियमवर त्याच्या लाल सिंह चड्ढा या चित्रपटाचा ट्रेलर देखील लाँच करण्यात येणार आहे.
Web Title :- IPL 2022 Final GT vs RR Live | ipl 2022 final gt vs rr live updates gujarat titans vs rajasthan royals live score ipl 2022 champions winner prize money bcci
Join our WhatsApp Group, Telegram, facebook page and Twitter for every update