‘भ्रष्टाचार’ आणि ‘रोजगारा’च्या प्रश्नावर ‘जळाला’ इराक, 400 लोकांचा बळी गेल्यानंतर पंतप्रधानांचा ‘राजीनामा’

On Dec 1, 2019

बगदाद : वृत्तसंस्था – इराकचे पंतप्रधान आदेल अब्दुल महदी यांनी आपला राजीनामा जाहीर केला आहे. शनिवारी त्यांनी आपला राजीनामा संसदेला सादर केला, त्यानंतर पंतप्रधानांनी काळजीवाहू सरकारच्या कर्तव्याविषयी चर्चा करण्यासाठी खास संसदेचे अधिवेशन बोलावले. अब्दुल महदी यांनी 29 नोव्हेंबर रोजी संसदेत आपला राजीनामा देण्याची घोषणा केली होती, जेणेकरुन खासदार सरकारविरोधी निषेधाला उत्तर देताना नवीन सरकार निवडू शकतील.

ऑक्टोबरपासून इराकची राजधानी बगदाद व्यतिरिक्त मध्ये आणि दक्षिण इराकमधील अन्य शहरांमध्ये मोठ्या प्रमाणात निषेध चालू आहेत. येथे सर्व लोक व्यापक सुधारणांच्या, भ्रष्टाचाराविरूद्धच्या लढाई, नोकर्‍या आणि चांगल्या सार्वजनिक सेवांच्या मागणीसाठी रस्त्यावर उतरले आहेत.

सरकारविरोधात लोक रस्त्यावर का उतरले ?
इराकचे धार्मिक नेते अनेक दिवसांपासून पंतप्रधान आदेल अब्दुल महदी यांच्या राजीनाम्याची मागणी करत होते. इराकचे सर्वोच्च धर्मगुरू अयातुल्ला अली अल-सिस्तानी यांनी नासिरियात इराकी सैन्य दलाच्या कारवाईला विरोध दर्शविला. यानंतर पंतप्रधानांनी लष्करप्रमुख जनरल शुमारी यांना त्यांच्या पदावरून काढून टाकले. जनरल शुमारी यांना नसिरियातील सरकारविरोधी निषेधासाठी दडपण्यासाठी पाठवण्यात आले होते. जनरल नसिरीयाच्या आदेशानुसार सुरक्षा दलांनी गोळीबार केला, ज्यामध्ये 25 आंदोलक ठार झाले.

यावर्षी 1 ऑक्टोबरपासून इराकमधील सरकारविरोधात निदर्शने सुरू झाली आहेत. सुरुवातीला निषेध शांततापूर्ण होता, परंतु सरकारच्या थंड प्रतिक्रियेनंतर आंदोलनकर्ते तीव्र झाले. 60 दिवसांत या निदर्शनेंमध्ये आतापर्यंत 420 लोक मरण पावले आहेत. तर 15,000 हून अधिक लोक जखमी झाले आहेत. बगदाद हे या आंदोलनाचं केंद्र आहे. याशिवाय नजाफ, कर्बला आणि बसरा येथेही निदर्शने करण्यात येत आहेत.

इराक हा जगातील 12 वा भ्रष्ट देश आहे.
2003 मध्ये इराकमध्ये सद्दाम हुसेन यांचे सरकार पडल्यानंतर 16 वर्ष अस्थिरता आहे. सद्दाम हुसेन यांचे सरकार पडल्यानंतर इथली परिस्थिती अत्यंत वाईट आहे. भ्रष्टाचाराची आकडेवारी जाहीर करणारी आंतरराष्ट्रीय संस्था ट्रान्सपेरेंसी इंटरनेशनलच्या अहवालानुसार, इराक हा जगातील 12 वा सर्वात भ्रष्ट देश आहे. सरकारी तपासणीत असे आढळले आहे की भ्रष्टाचारामुळे सरकारी तिजोरीला 450 अब्ज डॉलर्सचे नुकसान झाले आहे.

बसरा येथील एका निषेधकर्त्याने सरकार बरखास्त करण्याची मागणी करत म्हटले आहे की या सरकारने सत्तेत राहण्याचा हक्क गमावला आहे. इराकी सरकारची बहुतांश सुधार योजना, समाज कल्याण योजना, निवडणूक सुधारणा कार्यक्रम फक्त दिखावा आहेत. हे सरकार राजीनामा देत नाही तोपर्यंत देशाचं भलं होऊ शकत नाही.

Visit : Policenama.com