बॉलिवूड अभिनेता इरफान खान इरफान एंडोक्राईन ट्यूमर या दुर्धर आजाराने पीडित आहे. इरफानवर सध्या लंडनमध्ये उपचार सुरू आहेत. इरफानने आपल्या आजाराबाबत ट्विटर अकाऊंटवरुन खुलासा केला होता.अनेक दिवसांपासून तो लंडनमध्ये उपचार घेतोय. त्याला झालेल्या आजारामुळे तो अतिशय अशक्त झाला आहे.कालपरवा इरफानचा ताजा फोटो व्हायरल झाला होता. इरफानच्या तमात चाहत्यांना ही बाब सुखावणारी होती.आता इरफानच्या प्रकृतीबद्दल आणखी एक ताजी माहिती समोर आली आहे.
[amazon_link asins=’B0756Z242J’ template=’ProductCarousel’ store=’policenama-100′ marketplace=’IN’ link_id=’cb6d2c73-8987-11e8-aac7-6d17b5ec6734′]
दिग्दर्शक विशाल भारद्वाज यांनी एका कार्यक्रमात इरफानबद्दल काही अपडेट्स दिलेत. मी व्हाट्सअ‍ॅपच्या माध्यमातून इरफानच्या सतत संपर्कात आहे. त्याची प्रकृती हळूहळू सुधारतेय. लवकरचं तो पूर्णपणे बरा होऊन नव्या दमाने आपल्यात परतेल, असा मला विश्वास आहे. सध्या तो गातोयं, गाणी रेकॉर्ड करतोय. रेकॉर्ड केलेली ही गाणी तो मला न चुकता व्हाट्सअ‍ॅपवर पाठवतो. तो गातोय, क्रिकेट बघतोय, असे विशाल भारद्वाज यांनी यावेळी सांगितले.इरफान व विशाल भारद्वाज हे चांगले मित्र आहेत. ‘मकबूल’, ‘७ खून माफ’, ‘हैदर’ अशा अनेक चित्रपटात दोघांनीही एकत्र काम केले आहे. याशिवाय इरफानला घेऊन विशाल आणखी एक चित्रपट बनवणार आहेत. या चित्रपटाची घोषणाही झाली होती. मात्र याचदरम्यान इरफानच्या आजाराची माहिती समोर आल्याने हे शूटींग रखडले आहे.