मुंबई : पोलीसनामा ऑनलाईन – गॅस पेटवणं सोपं आहे. परंतु घराघरात चूल पेटली पाहिजे असं म्हणत मुख्यमंत्री उद्धव ठाकरे यांनी पंतप्रधान नरेंद्र मोदींना नाव घेता टोला लगावला आहे. उद्धव ठाकरे सध्या दोन दिवसांच्या मराठवाड्याच्या दौऱ्यावर आहेत. औरंगाबादमध्ये जनतेला संबोधित करताना त्यांनी शेतकरी हिताचं बोलत असताना हे वक्तव्य केलं.
सध्या असेलल्या बेरोजगारीवरून आणि भूमिपुत्रांच्या हाताला काम मिळावं या हेतूने अनेक उद्योग आणत असल्याचं उद्धव ठाकरेंनी सांगितलं. कृषी आणि उद्योग खातं एकत्र येऊन शेतकऱ्यांना मदत करणार असल्याचंही त्यांनी सांगितलं. उद्धव ठाकरे म्हणाले, “गॅस पेटवणं सोपं आहे. परंतु घराघरात चूल पेटली पाहिजे. मी उद्योजकांना बोललो आहे की, कामगार टिकवणारे केंद्र आपल्याला हवे आहेत. उद्योग येतात. यांत्रिकीकरण होत आहे. परंतु सगळीकडे यंत्र असेल तर बाकी लोक पोट भरणार कसे. मी उद्योजकांना म्हटलो आहे की, तुम्ही उद्योग घेऊन या. परंतु भूमिपुत्रांना रोजीरोटी देण्याची जबाबदारी तुमची आहे.”
यावेळी बोलताना त्यांनी शेतकऱ्यांना कर्जमुक्त करण्याचंही प्रतिपादन केलं. उद्धव ठाकरे म्हणाले की, “अनेकजण येतात आणि विविध योजनांचे उद्घाटन करतात. पुढे त्याचे काम होताना दिसत नाही. मी केवळ फीत कापण्यासाठी आलेलो नाही. मी राज्यातील शेतकऱ्याला कर्जमुक्त करणारच. जागतिक मंदी आणि देशात बंदी आहे म्हणून आपण रडायचं नाही. आपल्या राज्याला रडायचा नाही तर लढायचा इतिहास आहे. आता जगाला परदेशी बनावटीच्या वस्तूंची नाही तर मेड इन इंडियाची भुरळ पडली पाहिजे.” असेही ते म्हणाले.
फेसबुक पेज लाईक करा – https://www.facebook.com/policenama/
- ‘या’ 5 टिप्स फॉलो केल्यास दिवसाची सुरुवात होईल चांगली
- दाढी करण्यासाठी ‘रेझर’ वापरताय? ‘या’ 4 गोष्टींकडे दुर्लक्ष करू नका !
- मुलांना कोणतं खेळणं देताय ? होऊ शकतात ‘हे’ 6 गंभीर धोके !
- ‘अॅस्प्रिन’ने टळू शकत नाही ‘हार्ट अटॅक’चा धोका ! हे आहेत 4 धोके
- ‘टीबी’ ची ही 6 कारणे जाणून घेतली तर टाळता येणे सहज शक्य, जाणून घ्या
- काळे मीठ खा; हृदयरोगांना दूर ठेवा, ‘हे’ आहेत 9 फायदे
- मुलांना होणारा क्षय ‘या’ 5 लक्षणांवरून ओळखा, जाणून घ्या
- मुलांना ‘पॅरासिटामोल’ देताय ? तारुण्यात होईल अस्थमा ! ‘हे’ आहेत 6 धोके
- दम्याची ही आहेत 8 लक्षणे, अधिक माहिती जाणून घेण्यासाठी जरूर वाचा