नवी दिल्ली, वृत्तसंस्था : कोरोना संकटादरम्यान आंतरराष्ट्रीय सीमेवर भारताला सतत सतर्क राहावे लागत आहे. जम्मू-काश्मीरमधील कठुआ जिल्ह्यात आंतरराष्ट्रीय सीमेजवळ एक कबूतर पकडले गेले आहे, असे मानले जाते की, त्याला पाकिस्तानमध्ये प्रशिक्षित केले गेले आहे. कठुआचे एसएसपी शैलेंद्र मिश्रा म्हणाले की, कठुआतील भारत-पाक आंतरराष्ट्रीय सीमेला लागून असलेल्या मनयारी गावच्या ग्रामस्थांना सीमेजवळ एक कबूतर सापडला आहे. हा कबूतर पाकिस्तानमध्ये प्रशिक्षित झाला असावा, असा संशय अधिकाऱ्यांना आहे.
A pigeon, suspected to be trained in Pakistan for spying, captured along the International Border (IB) in Kathua district of Jammu and Kashmir: officials.
— Press Trust of India (@PTI_News) May 25, 2020
आधीही पाकिस्तान हेरगिरीसाठी कबूतरचा वापर करत आला आहे. याशिवाय बेकायदेशीरपणे ड्रोन, फुगे इत्यादी पाकिस्तानातून भारतात पाठविण्यात आल्या आहेत. या गोष्टींसह पाकिस्तान भारतीय सीमेवर हेरगिरी करण्याचा प्रयत्न करतो.
गेल्या वर्षी सप्टेंबरमध्ये राजस्थानच्या बीकानेर येथे पाकिस्तानच्या आंतरराष्ट्रीय सीमेजवळ सुरक्षा यंत्रणांनी एक संशयास्पद कबूतर पकडला होता. पाकिस्तान कबूतरांद्वारे भारताच्या सुरक्षा उपायांना तोडण्याचा प्रयत्न करीत असल्याचा संशय सुरक्षा यंत्रणांना होता. हा संशयित कबूतर बीकानेर येथील रहिवासी सुखदेवसिंग बावरीच्या शेतात एका झाडावर सापडला, त्यानंतर अधिकारी तिथे पोहोचले. कबूतरच्या पंखांवर उस्ताद अख्तर आणि 5 ने प्रारंभ होणारा 10-अंकी क्रमांक लिहिला होता.