कौतुकास्पद ! सासू अन् सुनेनं मिळून बनवलं ‘गुरू-चेला’ मोबाईल App, शिक्षीत बेरोजगार कमवताहेत 20 हजार रूपये
पोलीसनामा ऑनलाइन टीम – सहसा सासू- सूनाच्या भांडणाच्या गोष्टी तुम्ही ऐकल्या असतीलच, पण अशा काही सासू- सूना सुद्धा आहेत ज्यांनी लोकांसमोर उदाहरणे सादर केली आहेत. अशी एक सासू-सूनाची जोडी झारखंडमध्ये पाहायला मिळाली आहे ज्यांच्यात परस्पर प्रेम आणि त्यांच्यातील कैमिस्ट्री देखील गझब आहे. कोरोना काळात, वेळेचा योग्य वापर करुन, त्यांनी एक अॅप तयार केले आहे, जे फक्त त्यांच्यासाठीच नाही तर अनेक सुशिक्षित बेरोजगारांसाठीही वरदान सिद्ध होत आहे.
हे प्रकरण देशाच्या कोळशाची राजधानी धनबादची आहे. जिथे 70 वर्षीय मनोरामा सिंह आणि तिची 32 वर्षीय सून स्वाती कुमारी यांनी ‘गुरु-चेला’ अॅप तयार केले आहे. आपल्या मोबाइल फोनच्या प्लेस्टोअर वरून हे अॅप अगदी सहज डाउनलोड केले जाऊ शकते.
या दोघांनी एकत्र कोरोना काळात लोकांना रोजगार देण्याचा विचार केला. यानंतर, त्यांनी दोन महिन्यांपूर्वी एक अॅप तयार केला जे शिक्षक-विद्यार्थ्यांना एकमेकांशी जोडतो. दोघेही अ‍ॅपवर रजिस्टर करू शकतात. शिक्षक आवश्यकतेनुसार ऑनलाइन किंवा ऑफलाइन क्लासेज घेण्यासाठी येतात. यासह शालेय शिक्षण, अभियांत्रिकी, यूपीएससी, गाणी, संगीत, योग, चित्रकला इ. चे शिक्षक सहज सापडतात.
या अॅपवरून लोकांना मिळणार्‍या फायद्यांची आपल्याला कल्पना यावरूनच येऊ शकते की काही दिवसातच 40 लोकांना या अ‍ॅपद्वारे रोजगार मिळाला आहे आणि या अ‍ॅपद्वारे 110 विद्यार्थ्यांना मार्गदर्शन मिळत आहे. सुशिक्षित बेरोजगार आज या अ‍ॅपद्वारे आठ हजार ते वीस हजार रुपये पर्यत कमावत आहेत.
आयआयटी, आयएसएम, बीआयटी सिंदरी, बीएड विद्यार्थीही अ‍ॅपला जोडले गेले आहेत. सीआयएमएफआर (सेंट्रल मायनिंग अँड फ्युएल रिसर्च) चे सेवानिवृत्त वैज्ञानिक डॉ. केके शर्मादेखील विद्यार्थ्यांचे समुपदेशन करण्यात गुंतले आहेत, यामुळे पालकांना घरून शिक्षक शोधणे सोपे झाले आहे. मुलांनाही शिक्षक सहज मिळतात.
या सासू-सूनेचं अस म्हणणे आहे की सुशिक्षित लोकांच्या बेरोजगारीची बातमी आणि मुलांच्या शिक्षणामधील समस्या दू:खी करत होत्या, म्हणूनच हे अॅप तयार केले गेले आहे. यासह वर्षाअखेरीस 250 जणांना रोजगार देण्याचे लक्ष्य ठेवले आहे. यात कोणतीही फी आकारली जात नाही. या अ‍ॅपच्या निर्मितीविषयी बोलताना ते म्हणाले की दहावी उत्तीर्ण झालेली सासू मनोरमा सिंह आणि पदवीधर बीएड सून स्वाती यांनी दोन महिन्यांपूर्वी विद्यार्थ्यांसह शिक्षकांशी फोनद्वारे संपर्क जोडण्यास सुरुवात केली होती.
दिल्ली विद्यापीठातून संगणक अभियांत्रिकीचे शिक्षण घेत असलेल्या मनोरमाचा नातू वत्सल सिंग यांना हा प्रयत्न आवडला. त्याने प्लेटफार्म बनविण्याची एडिया दिली. तो म्हणाला की अॅप बनवून अधिकाधिक लोकांना जोडले जाऊ शकते.यानंतर मनोरमा आणि स्वाती यांनी वत्सल याच्या सहकार्याने अॅप तयार केले. सासूं – सूनेने स्वत: हून अॅप ऑपरेट करणे सुरू केले. या अ‍ॅपला गौतम बुद्धांचा ध्यानस्थ मधला फोटो लावण्यात आला आहे. डाउनलोड केल्यानंतर रजिस्ट्रेशन करावे लागते. यात दोन पर्याय आहेत, एक गुरू आणि दुसरा विद्यार्थी. गुरूच्या रजिस्ट्रेशननंतर विद्यार्थ्यांची माहिती, मोबाईल नंबर, स्थान मिळेल. विद्यार्थीच्या रजिस्ट्रेशननंतर विषयाच्या शिक्षकांची माहिती मिळते.