Joe Biden यांनी पुतीन यांना ‘हत्यारा’ संबोधले, रशियाने अमेरिकेतील आपल्या राजदूतास परत बोलावले
file photoपोलीसनामा ऑनलाइन टीम – रशिया आणि अमेरिकेतील संबंध बिघडताना दिसत आहेत. अमेरिकेचे अध्यक्ष जो बायडेन यांनी रशियाचे अध्यक्ष व्लादिमीर पुतीन यांना ‘हत्यारा’ म्हटले आणि असंही म्हटलं की, पुतीन यांना त्याची किंमत मोजावी लागेल. अमेरिकेच्या राष्ट्राध्यक्षांच्या या विधानानंतर रशियाने आता अमेरिकेत तैनात असलेल्या राजदूताला ‘सल्लामसलत’ करण्यासाठी परत बोलावले आहे.
दरम्यान, बायडेन सरकार अमेरिकेत आल्यापासून रशियासाठी अडचणी वाढत आहेत. एका मुलाखती दरम्यान, बायडेन यांनी पुतीनला मारेकरी म्हंटले आहे. मुलाखतीत बायडेन यांना अमेरिकन गुप्तचर अहवालाविषयी विचारले गेले होते की नोव्हेंबर 2020 च्या निवडणुकीत रशियन नेत्याने आपली उमेदवारी खराब करण्याचा प्रयत्न केला होता आणि डोनाल्ड ट्रम्प यांना बढती दिली होती. यावर, 78 वर्षीय बाायडेन म्हणाले, “त्यांना त्यासाठी किंमत मोजावी लागेल.” यानंतर अमेरिकेच्या राष्ट्राध्यक्षांनी पुतीन यांना मारेकरी देखील म्हंटले.
असे सांगितले जाते की, बाडेन यांच्या या विधानानंतरच रशियाने आपल्या राजदूताला अमेरिकेला कडक संदेश देण्यासाठी बोलावले आहे. यासंदर्भात रशियन परराष्ट्र मंत्रालयाने म्हटले की वॉशिंग्टनमधील रशियन राजदूत अ‍ॅनॅटॉली अँटोनोव्ह यांना अमेरिकेशी संबंधांबाबत सल्लामसलत करण्यासाठी पुन्हा बोलावण्यात आले आहे.
दुसरीकडे, रशियाच्या परराष्ट्र मंत्रालयाच्या प्रवक्त्या मारिया झाखारोवा यांनी अँटोनोव्हला परत बोलावण्याचे कोणतेही खास कारण दिले नाही परंतु म्हणाले की हे संबंध “कठीण काळातून जात आहेत. मात्र संबंध इतकेपण बिघडू नये की, तेथून परत येणे अवघड होईल. परंतु अमेरिकेस त्याच्याशी संबंधित जोखमीची माहिती असावी. ”
रशियाने जे पाऊल उचलले त्यास तोच जबाबदार
त्याच वेळी व्हाईट हाऊसचे प्रवक्ते जेन साकी म्हणाले, “सर्वात स्पष्ट बाब म्हणजे आम्ही त्या बाबींवर बोलू ज्या आमच्यासाठी चिंताजनक आहेत.” निश्चितच रशियाने जे पाऊल उचलले त्यास जबाबदार धरले जाईल.