Justice D Y Chandrachud | सोशल मीडियावर खोट्याचा (फेक न्यूज) बोलबाला, ‘प्रेस’ची निष्पक्षता सुनिश्चित व्हावी – सुप्रीम कोर्टचे न्यायाधीश

नवी दिल्ली : Justice D Y Chandrachud | सुप्रीम कोर्टचे न्यायमूर्ती डी. वाय. चंद्रचूड (Justice D Y Chandrachud) यांनी शनिवारी सत्ताधार्‍यांवर निशाणा साधला. न्यायमूर्ती डी. वाय. चंद्रचूड यांनी म्हटले की, समाजातील बुद्धीजीवींचे कर्तव्य आहे की, त्यांनी ‘सत्तेचे असत्य‘ उघड करावे. एका व्याख्यानात बोलताना त्यांनी यावर जोर देत सांगितले की, एका लोकशाही देशात सरकारची जबाबदारी ठरवणे आणि असत्य, खोटी वास्तव्य आणि बनावट बातम्यांपासून बचाव करणे महत्वाचे आहे.

सहावे मुख्य न्यायाधीश एम. सी. छागला स्मृती दिनानिमित्त आयोजित ’नागरिकांचा सत्तेकडून सत्य बोलण्याचा अधिकार’ विषयावर एक ऑनलाइन व्याख्यान आयोजित करण्यात आले होते. यामध्ये बोलताना न्यायमूर्ती डी. वाय. चंद्रचूड (Justice D Y Chandrachud) यांनी म्हटले की, सत्यासाठी केवळ सत्तेवर विश्वास ठेवला जाऊ शकत नाही. एकाधिकारशाही सरकारे सत्तेला मजबूत करण्यासाठी खोट्यावर सतत अवलंबून असण्यासाठी ओळखली जातात. जगभरातील देशांमध्ये कोविड-19 डेटामध्ये हेरफेरी करण्याची प्रवृत्ती वाढत आहे. यासाठी समाजातील ज्ञानी लोकांनी सरकारांचे असत्य उघड करावे.

ते म्हणाले की, लोकशाहीत सरकारे राजकीय कारणांसाठी खोटे बोलू शकत नाहीत. त्यांच्याकडून पेरण्यात येणार्‍या फेक न्यूज बाबत महत्वाची टिप्पणी न्यायमूर्तींनी केली.

डी वाई चंद्रचूड यांनी म्हटले की, फेक न्यूजचे प्रमाण वाढत चालले आहे. जागतिक आरोग्य संघटनेने या फेक न्यूज कोविड महामारीच्या दरम्यान ओळखल्या…यास ’इन्फोडेमिक’ म्हटले. मनुष्यांमध्ये खळबळजनक बातम्यांकडे आकर्षित होण्याची प्रवृत्ती असते…ज्या नेहमी खोट्यावर आधारित असतात. त्यांनी म्हटले की, मीडियाची निष्पक्षता सुनिश्चित असावी. जस्टिस चंद्रचूड यांनी म्हटले, ट्विटरसारख्या सोशल मीडियावर खोट्याचा गवगवा आहे.

Anil Deshmukh | अनिल देशमुख यांना सीबीआयची क्लिन चिट? CBI च्या उपअधीक्षकांनाच वाटत नाही आरोपात तथ्य

न्यायमूर्ती चंद्रचूड यांनी मान्य केले की, ट्विटर आणि फेसबुक सारख्या सोशल मीडिया प्लॅटफॉर्मला खोटे साहित्य पसरवण्यासाठी जबाबदार ठरवले पाहिजे, परंतु त्यांनी म्हटले की लोकांनी सतर्क राहिले पाहिजे आणि, महत्वपूर्णप्रकारे, वाचणे, चर्चा करणे आणि कदाचित वेगवेळे मत स्वीकारण्यासाठी खुले झाले पाहिजे. सत्याबाबत लोकांचे चिंतीत न होणे, सत्यानंतरच्या जगातील आणखी एक घटना आहे.

यास सोशल मीडिया प्लॅटफॉर्म जबाबदार आहे… परंतु नागरिक सुद्धा जबाबदार आहेत. आपण अशा जगात राहतो जे सामाजिक, आर्थिक आणि धार्मिक आधारावर वेगाने विभाजित होत आहे.

त्यांनी म्हटले की, आम्ही केवळ त्याच बातम्या वाचतो ज्या आपल्या विश्वासासोबत जुळतात…आपण
त्या लोकांनी लिहिलेली पुस्तके दुर्लक्षित करतो जी आपल्या विचारधारेशी संबंधीत नाहीत…आपण
टीव्हीला म्यूट करतो जेव्हा एखाद्याचे मत वेगळे असते…आपण प्रत्यक्षात ’सत्याची’ पर्वा करत नाही.
जेवढे आपण योग्य होण्याबाबत करतो. फेक न्यूजचा सामना करण्यासाठी आपल्याला आपल्या
सार्वजनिक संस्था मजबूत करण्याची आवश्यकता आहे. आपल्याला हे सुनिश्चित केले पाहिजे की,
आपल्याकडे एक अशी प्रेस असावी जी राजकीय किंवा आर्थिक कोणत्याही प्रकारच्या प्रभावापासून
मुक्त असावे. आपल्याला एका प्रेसची आवश्यकता आहे जी आपल्याला निष्पक्ष पद्धतीने माहिती देईल.

न्यायमूर्ती चंद्रचूड यांनी शाळा आणि कॉलेजमध्ये सकारात्मक वातावरणाचे सुद्धा आवाहन केले.
ज्यामध्ये विद्यार्थी खोट्यातून सत्य वेगळे करण्यास शिकतील आणि सत्तेत बसलेल्या लोकांना प्रश्न विचारतील.

त्यांनी आपल्या आजूबाजूच्या लोकांसोबत दया आणि जास्त संवेदनशील राहण्याची विनंती करत
म्हटले की, आपल्याला दुसर्‍यांच्या मतासाठी न्याय करण्यासाठी घाई केली नाही पाहिजे. आपल्याला
लिंग, जात, धर्म, भाषा किंवा आर्थिक स्थितीच्या आधारावरील अडचणी दूर करण्याची आवश्यकता
आहे.

हे देखील वाचा

Jayant Pawar | ज्येष्ट नाटककार जयंत पवार यांचे निधन

Pune Crime | आईला मारहाण प्रकरणात 3 मुलांसह इतरांना जामीन

ट्विटर ला देखील फॉलो करा

फेसबुक ला लाईक करा