Kadha For Immunity : काढा पिऊन वाढवा इम्यूनिटी पावर, ट्राय करा ‘या’ 6 रेसिपी, शरीर होईल ‘ताकदवान’ आणि ‘निरोग’

आलं आणि गुळाचा काढा (kadha )
उकळत्या पाण्यात वाटलेली लवंग, मिरपूड, वेलची, आले आणि गूळ घाला. थोडावेळ उकळी येऊ द्या आणि मग त्यात तुळशीची पाने घाला. पाणी उकळून अर्धे झाल्यावर गाळून घ्या आणि प्या.

काळीमिरी लिंबूचा काढा (kadha )
एक चमचा मिरपूड आणि चार चमचे लिंबाचा रस एक कप पाण्यात मिसळा आणि गरम करा. दररोज सकाळी प्या. थंड झाल्यावर मध देखील टाकू शकता. या काढ्याने सर्दी, पडशात आराम मिळतो आणि फॅट बर्न होते. शरीरात ताजेपणा आणि उत्साह वाढतो.

ओवा आणि गुळाचा काढा
एक ग्लास पाणी चांगले उकळवा. नंतर त्यात थोडा गुळ आणि अर्धा चमचा ओवा मिसळा. पाणी अर्धे झाल्यावर ते गाळून घ्या आणि प्या. यामुळे पचनशक्ती सुधारते. गॅस किंवा अपचन यासारख्या समस्या देखील दूर होतात. हा काढा पिल्याने खोकला आणि पोटदुखीचा त्रास कमी होतो.

दलाचिनीचा काढा
दालचिनी एक अतिशय उपयुक्त औषध आहे. याचा काढा करता येतो. एका ग्लास पाण्यात अर्धा चमचा दालचिनी घाला आणि दहा मिनिटे उकळवा. थंड झाल्यावर थोडे मध घालून प्या. सर्दी आणि खोकल्यामध्ये याचा फायदा होतो. हे हृदयरोगावर देखील खूप फायदेशीर आहे.

लवंत, तुळस आणि काळे मीठाचा काढा
सर्दी-खोकला आणि ब्राँकायटिस रूग्णांना या काढ्याचा चांगला उपयोग होतो. याच्या वापरामुळे सांधेदुखीत आराम मिळतो. हा काढा तयार करण्यासाठी, 10-15 तुळशीची पाने दोन ग्लास पाण्यात कमी आचेवर उकळवा, 4-5 लवंगा घाला आणि आच बारीक करा. हे पाणी उकळवून अर्ध्या पर्यंत कमी झाले की ते गाळून प्या. यामुळे शरीराची रोगप्रतिकारक शक्ती वाढते.

वेलची आणि मधाचा काढा
सर्दीमध्ये श्वास घेण्याचा त्रास झाल्यास वेलची आणि मध एकत्र करून काढा घेऊ शकता. यात थोडी वाटलेली काळी मिरी देखील घालू शकता. या काढ्यातील अँटी-ऑक्सिडेंट घटक हृदयरोगाचा धोका कमी करतात. एका भांड्यात दोन कप पाणी कमी आचेवर गरम करा आणि त्यात अर्धा चमचा वेलची पूड मिसळा आणि 10 मिनिटे उकळवा. नंतर त्यात मध घालून प्या.