विकास दुबेच्या एन्काऊंटरवर IAS अशोक खेमक यांनी दिली प्रतिक्रिया, म्हणाले – ‘संपुर्ण पोलिस दल जे करू शकलं नाही ते एका निशस्त्र नागरिकानं केलं’

भोपाळ : वृत्तसंस्था – कुख्यात गुंड विकास दुबे याच्या एन्काऊंटरनंतर आता विविध प्रश्न उपस्थित होत आहेत. कॉंग्रेसबरोबरच भाजपच्या नेत्या उमा भारती यांनीही विकास दुबे याच्या एन्काऊंटरबाबत मध्य प्रदेश प्रशासनाला अनेक प्रश्न विचारले आहेत. तसेच आयएएस अधिकारी अशोक खेमका यांनीही सोशल मीडियावर गुंड विकास दुबे याच्या एन्काऊंटर संदर्भात आपले मत व्यक्त केले आहे.

अशोक खेमका यांनी ट्विट केले की, उज्जैन महाकाल मंदिरातील निशस्त्र खासगी सुरक्षा रक्षकाने कुख्यात डॉनला पकडले. यानंतर मध्य प्रदेश पोलिसांकडे सोपवण्यात आले होते. ते पुढे म्हणाले की, जे पूर्ण पोलिस फोर्स करू शकली नाही, ते एका नि:शस्त्र नागरिकाने करून दाखवले. तो खरा नायक नाही का?

खरंतर, विकास दुबेला अटक करण्यासाठी उत्तर प्रदेश, बिहार, राजस्थान, दिल्ली, हरियाणा आणि मध्य प्रदेशातील पोलिस सतर्कतेच्या मार्गावर होते. त्याचा शोध घेण्यासाठी पोलिसांपेक्षा शंभरहून अधिक पथकं सतत उत्तर प्रदेशात छापा टाकत होती. असे असतानाही तो दिल्ली आणि फरीदाबाद मार्गे मध्य प्रदेशातील उज्जैनला पोहोचला. गुरुवारी सकाळी तो महाकालच्या मंदिरात पूजा करण्यासाठी जात होता. यावेळी एका सुरक्षा रक्षकाने त्याला ओळखले. त्यानंतर पकडल्यावर त्याला मध्य प्रदेश पोलिसांच्या ताब्यात देण्यात आले. त्यानंतर मध्य प्रदेश पोलिसांनी यूपी एसटीएफकडे विकास दुबेला सोपवले. शुक्रवारी सकाळी उज्जैनहून कानपूरकडे जाताना एसटीएफच्या चकमकीत विकास दुबे ठार झाला.

गुंड विकास दुबे याच्या एन्काऊंटर प्रकरणात माजी मुख्यमंत्री उमा भारती आणि दिग्विजय सिंह यांची समान भाषा ऐकली जात आहे. विकास दुबे याच्या एन्काऊंटर नंतर उमा भारती यांनी उज्जैनमधील प्रवेशाबद्दल विचारलेल्या प्रश्नांना दिग्विजय सिंह यांनी पाठिंबा दर्शवला आहे. दिग्विजय सिंह यांनी उमा भारती यांचे प्रश्न पूर्णपणे बरोबर असल्याचे सांगत म्हटले आहे की, भाजपमध्ये कोणी उमा भारती यांच्या प्रश्नांची उत्तरे देईल असे त्यांना वाटत नाही.

वास्तविक १० जुलै रोजी विकास दुबेला उज्जैन येथून अटक केल्यानंतर कानपूरला नेले जात होते, तेव्हा त्याचा एन्काऊंटर केला गेला. कॉंग्रेसचे सर्व नेते एन्काऊंटरवर प्रश्न उपस्थित करत होते. दरम्यान उमा भारती यांनी एका ट्वीटद्वारे कॉंग्रेस नेत्यांद्वारे उपस्थित केलेल्या प्रश्नांना पाठिंबा दर्शवला. उमा भारती यांनी लिहिले की, या प्रश्नांवर त्या मध्य प्रदेशचे मुख्यमंत्री शिवराजसिंह चौहान आणि गृहमंत्री नरोत्तम मिश्रा यांच्याशी चर्चा करतील.

हे होते उमा यांचे ३ प्रश्न
एन्काऊंटरनंतर उमा भारती यांनी ३ प्रश्न गूढ असल्याचे सांगितले आणि लिहिले की आता तीन गोष्टी रहस्यमय आहेत. उमा भारती यांचा पहिला प्रश्न आहे की विकास दुबे उज्जैनला कसा पोहोचला? त्यांचा दुसरा प्रश्न आहे की तो महाकाल परिसरात किती वेळ राहिला? तर तिसर्‍या प्रश्नात उमा भारती यांनी विचारले की, त्याचा चेहरा टीव्हीवर इतका दाखवला गेला की कोणीही त्याला ओळखले असते. मग त्याला ओळखण्यात इतका वेळ कसा लागला?

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
WhatsAPP
You might also like