जळगाव : पोलीसनामा ऑनलाइन – आपल्याला राजकारणातून संपविण्याचा प्रयत्न केला जात असून देवेंद्र फडणवीस आणि गिरीश महाजन यांनी आपले तिकीट कापले असा थेट आरोप करणाऱ्या एकनाथ खडसे यांची शुक्रवारी विरोधी पक्षनेते देवेंद्र फडणवीस हे भेट घेणार आहेत. खडसे यांची समजूत काढण्याचा प्रयत्न फडणवीस यांच्याकडून होणार आहे.
जळगाव जिल्हा परिषद निवडणुकीच्या निमित्ताने ही बैठक शुक्रवारी सकाळी होत आहे. या बैठकीसाठी देवेंद्र फडणवीस काल रात्री जळगावला आले आहेत. या बैठकीत गिरीश महाजनही उपस्थित राहणार आहेत.
एकनाथ खडसे यांनी फडणवीस व महाजन यांचे नाव घेऊन थेट आरोप केल्यानंतर काल रात्री एका कार्यक्रमात खडसे आणि महाजन उपस्थित होते. त्यात त्यांनी एकमेकांबरोबर हास्य विनोद करीत आपल्यात आलबेल असल्याचे दाखविण्याचा प्रयत्न केला. त्यामुळे आज होणाऱ्या भेटीत त्यांच्यात पुन्हा मनोमिलन होणार का अशी चर्चा सुरु झाली आहे.
खडसे यांच्या आरोपामुळे भाजपाला मोठा धक्का बसल्याचे बोलले जात होते. सत्ता गेल्यानंतर आता चारही बाजूने महाविकास आघाडी भाजपाची कोंडी करत असताना एकनाथ खडसे यांच्यासारखा नेता गमावण्याची भाजपाची तयारी नाही. त्यामुळे त्यांची समजूत काढण्याचा प्रयत्न केला जात आहे. मात्र, या भेटीतून त्यांचे समाधान होणार का हा खरा प्रश्न आहे.
फेसबुक पेज लाईक करा – https://www.facebook.com/policenama/
- नियमित खा ‘डोसा आणि सांबर’; हे आहेत 7 आरोग्यदायी फायदे !
- गुलाब पाकळ्यांच्या चहाची वाढती क्रेझ, ‘हे’ 5 फायदे जाणून घ्या !
- पाठीच्या दुखण्याने त्रस्त आहात ? ‘हे’ 5 उपाय ठरतील फायदेशीर !
- ‘कम्प्युटर व्हिजन सिंड्रोम’ का होतो? जाणून घ्या ९ लक्षणे आणि ६ उपाय
- कोणत्या भाज्या अधिक आरोग्यदायी, ‘हे’ आहेत ६ फायदे
- सतत ‘सेल्फी’ घेता ? ‘हा’ गंभीर आजार तर नाही ना ? या 4 गोष्टी लक्षात ठेवा
- कापूरचे ‘हे’ 7 आरोग्यदायी फायदे वाचून व्हाल थक्क ! जाणून घ्या