Frozen Foods : आरोग्यासाठी धोकादायक फ्रोजन पदार्थ; खाल्ल्याने होऊ शकतात गंभीर परिणाम

पोलीसनामा ऑनलाइन टीम  –  बदलती जीवनशैली आणि वेळेअभावी फ्रोजन आणि पॅकेज्ड पदार्थांचा कल वाढला आहे. फ्रोजन अन्न ताज्या अन्नापेक्षा आरोग्यासाठी चांगले मानले जात नाही. फ्रोजन पदार्थांमध्ये हायड्रोजनेटेड पाम ऑइल वापरले जाते, ज्यामध्ये हानिकारक ट्रान्स फॅट असतात. याशिवाय स्टार्च आणि ग्लुकोजपासून बनवलेल्या कॉर्न सिरपसारख्या संरक्षक पदार्थांचा वापर केला जातो. फ्रोजन पदार्थांमध्ये सोडियमचे प्रमाणही खूप जास्त आहे. यामुळे शरीरात अनेक प्रकारच्या समस्या सुरू होतात. हे पदार्थ अधूनमधून खाल्ले जाऊ शकतात; परंतु नियमित खाणे टाळले पाहिजे. त्यांच्या, जाणून घेऊया अत्यधिक वापरामुळे कोणत्या गंभीर समस्या उद्भवू शकतात.

मधुमेह-

स्टार्चचा उपयोग फ्रोजन पदार्थ ताजे ठेवण्यासाठी केला जातो. या स्टार्चमुळे अन्नाची चव वाढते आणि ती चांगली दिसू शकते. पचन होण्यापूर्वी आपले शरीर या ग्लुकोजला साखरेमध्ये रूपांतरित करते. साखर जास्त प्रमाणात मधुमेह होण्याची शक्यता वाढवते. याशिवाय हे शरीराच्या उतींचे नुकसान करते.

हृदयरोग –

फ्रोजन आणि प्रक्रिया केलेल्या अन्नाशी संबंधित दुसरा धोका म्हणजे हृदयरोग. या पदार्थांमध्ये उपस्थित ट्रान्स फॅट्स क्लॉज्ड धमन्यांची समस्या वाढवतात. ट्रान्स फॅट्समुळे शरीरात खराब कोलेस्ट्राॅलची पातळी वाढते आणि चांगले कोलेस्ट्रॉल कमी होते, ज्यामुळे हृदयरोगाचा धोका अधिक वाढतो. त्यामध्ये जास्त प्रमाणात सोडियम आढळतो, ज्यामुळे रक्तदाबदेखील वाढतो.

जास्त कॅलरीज –

फ्रोजन अन्नात चरबी खूप प्रमाणात आढळते. कार्बोहायड्रेट किंवा प्रोटीनपेक्षा चरबीमध्ये कॅलरीचे प्रमाण दुप्पट असते. उदाहरणार्थ, फ्रोजन चिकनच्या कपमध्ये जवळजवळ 600 कॅलरी असतात, जे अर्ध्याहून अधिक चरबीमधून येतात. फ्रोजन अन्नामध्ये पोषक तत्त्वांनी भरलेले आहे असे सांगून याची जाहिरात केली जाते, परंतु सत्य हे आहे की, ते शरीरासाठी अत्यंत धोकादायक आहेत.

कॅन्सर-

जास्त फ्रोजन अन्न खाल्ल्यामुळे कर्करोगाचा धोका वाढू शकतो. संशोधनात असे दिसून आले आहे की, फ्रोजन अन्न खाणे, विशेषत: फ्रोजन मांस, स्वादुपिंडाच्या कर्करोगाची शक्यता वाढवते. एका अभ्यासानुसार फ्रोजन हॉट डॉग्स, मसाले नॉन-व्हेज आणि सॉस खाल्ल्याने कर्करोगाचा धोका 65 टक्क्यांनी वाढतो.

You might also like