नवी दिल्ली : वृत्तसंस्था – हैदराबादचे नाव कधी भाग्यनगर होते का? हैदराबादच्या शेकडो वर्षांच्या इतिहासात भाग्यनगरचा उल्लेख कधी येतो? हैदराबादच्या निवडणूक सभेत पोहोचलेल्या योगींनी हैदराबादचे नाव बदलून भाग्यनगर असे करण्याविषयी बोलले? भाग्यनगरची कथा नेमकी काय आहे? जाणून घेऊया..
हैदराबादमध्ये महापालिकेच्या निवडणुका सुरू असून, हैदराबादच्या भूमीवर भाग्यनगरची चर्चा होत आहे. अशा परिस्थितीत आता संपूर्ण देशाला भाग्यनगरचे सत्य जाणून घ्यायचे आहे. भाग्यनगर हा राजकीय जुमला आहे की, हैदराबादचे ऐतिहासिक सत्य आहे ? आपण हैदराबादच्या इतिहासाबद्दल ऐकलं असेलच, की सरदार पटेल यांच्या कठोर आणि मोठ्या निर्णयामुळे हैदराबादचे भारतात विलिनीकरण कसे शक्य झाले.
हैदराबादमध्ये भाग्यनगरबद्दल अनेक कथा व किस्से आहेत. या दाव्यांमागे ऐतिहासिक तथ्य असल्याचे म्हटले जाते. शेकडो वर्षे जुन्या कथेनुसार, भाग्यनगरच्या मागे एक प्रेमकथा आहे. तरीही भाग्यनगरच्या इतिहासाचा पुरावा काय? प्राध्यापक अमरजीवा लोचन यांचे म्हणणे आहे की, इतिहासामध्ये असे काही पुरावे आहेत, ज्यावरून असे दिसून येते की, शहराचे नाव भाग्यनगर होते. ज्याचे नाव पुढे हैदर आणि हैदराबाद असे करण्यात आले.
असे म्हटले जाते की, 1589 मध्ये कुतूब शहाने भाग्यवतीशी लग्न केले आणि कुली कुतुबने गोलकोंडा सल्तनतमध्ये दाखल झाल्यानंतर, भाग्यवतीच्या नावावर भाग्यनगर शहर वसवले, ज्याला नंतर हैदराबाद हे नाव पडले. या कथा लोकप्रिय आहेत. पण यामागील आधार काय आहे ?
ज्येष्ठ इतिहासकार डॉ. अमित राय जैन आणि फिरोज बख्त अहमद म्हणाले की, इतिहासात हैदराबादचे नाव पूर्वीचे भाग्यनगर होते, असा उल्लेख इतिहासात आहे. इतिहासकार अमित राय जैन यांनीही सांगितले की, भाग्यनगरचे नाव शेकडो वर्षांपूर्वी हैदराबाद असे ठेवले गेले आहे, त्यामागील भाग्यवती आणि कुतुब शाह यांची प्रेमकथा आहे, ज्याचे वर्णन इतिहासात केले आहे.
मतदारांसमोर हैदराबादचे नाव बदलून भाग्यनगर असे ठेवण्यासाठी भाजपने नकार दिला आहे आणि हे नाव बदलल्यास हैदराबादचे नशिब व चित्र बदलेल का, असा प्रश्न विरोधी पक्ष विचारत आहेत.