कोल्हापूरात पदवीधरसाठी सर्वाधिक मतदान, पहिल्या दोन तासात साडेआठ टक्के मतदान

पुणे : पुणे पदवीधर मतदारसंघातील दोन्ही प्रमुख उमेदवार हे सांगली जिल्ह्यातील असेल तरी पहिल्या दोन तासात कोल्हापूर जिल्ह्यामध्ये सर्वाधिक मतदान झाल्याचे दिसून येत आहे. सकाळी ८ ते १० वाजेपर्यंतच्या पहिल्या २ तासात पदवीधर मतदारसंघात ८.५२ टक्के मतदान झाले आहे. त्यात कोल्हापूर जिल्ह्यात सर्वाधिक ११.७५ टक्के मतदारांनी आपला मतदानाचा हक्क बजावला आहे.

पदवीधर मतदारसंघात मतदार नोंदवून घेणे आणि मतदारांना प्रत्यक्ष मतदान केंद्रापर्यंत आणण्यासाठी प्रयत्न करणे अतिशय महत्वाचे असते. महाविकास आघाडी आणि भाजपा या दोन्ही प्रमुख पक्षाचे उमेदवार हे सांगली जिल्ह्यातील आहेत. त्यामुळे सांगली जिल्ह्यात अधिक चुरस पहायला मिळेल, असे वाटत असतानाच कोल्हापूर जिल्ह्याने मतदानामध्ये आघाडी घेतली आहे. कोल्हापूरमध्ये पहिल्या २ तासात १० हजार ५२१ मतदानांची आपल्या मतदानाचा हक्क बजावला आहे.

पाचही जिल्ह्यातील पहिल्या २ तासांमधील मतदान

जिल्हा                          एकूण मतदार                     मतदान          टक्केवारी
पुणे                               १३६६११                        ९५६३             ७.००
सातारा                          ५९०७१                           ४२५८             ७.२१
सांगली                          ८७२३३                           ७८३३             ८.९८
सोलापूर                        ५३८१३                            ४१३८             ७.६९
कोल्हापूर                       ८९५२९                            १०५२१          ११.७५
एकूण                          ४२६२५७                           ३६३१३              ८.५२

You might also like