लासलगांव : पोलीसनामा ऑनलाइन – लासलगाव येवला मतदार संघातील निफाड येवला तालुक्यातील 46 गावातील मंडल पदाधिकारी नियुक्ती सोहळा येथील शिवमंगल कार्यालयात संपन्न झाला. यावेळी प्रमुख पाहुणे म्हणून खासदार भारती ताई पवार होत्या तर, कार्यक्रमाच्या अध्यक्षस्थानी चांदवड देवळा मतदार संघाचे आमदार राहुल आहेर होते.
कार्यक्रमाच्या सुरुवातीला प्रास्ताविक बाजार समितीच्या सभापती सुवर्णा ताई जगताप यांनी केले. खासदार भारती ताई पवार यांनी शेतकरी बांधवांसाठी केंद्राच्या विविध योजनांचा उहापोह केला. मोदी सरकार हे शेतकरी हिताचे सरकार असल्याचे त्यांनी सांगितले. आमदार राहुल आहेर, सरचिटणीस सुनील बच्छाव, लासलगाव जिल्हा परिषद सदस्य डी. के. जगताप यांनी आपले मनोगत व्यक्त केले. कार्यक्रमाच्या वेळी लासलगाव मंडल मध्ये विविध पदाधिकारी यांचा मान्यवरांच्या हस्ते सत्कार करण्यात आला.
यावेळी निफाड मंडल अध्यक्ष भागवत बाबा बोरस्ते, प्रदेश सरचिटणीस शंकर वाघ, नामको चे माजी अध्यक्ष प्रकाश दायमा, भाजपा ओबीसी प्रदेश उपाध्यक्ष कैलास सोनवणे, लासलगाव मर्चंट चे माजी अध्यक्ष संतोष पलोड, रवी होळकर, योगेश पाटील, पंचायत समिती उपाध्यक्ष संजय शेवाळे सारिका डेर्ले, स्मिता कुलकर्णी संपत नागरे, राजेंद्र राणा, किशोर पाटील, अरुण भांबारे, प्रदीप माथा, बापू सोनवणे, राजेंद्र गांगुर्डे उपस्थित होते. कार्यक्रमाचे सूत्रसंचालन राजेंद्र चाफेकर यांनी केले तर आभार प्रदर्शन प्रकाश दायमा यांनी मानले.