Lata Mangeshkar Health Updates | गानसम्राज्ञी लता मंगेशकर अजूनही अति दक्षता विभागामध्येच, डॉक्टर म्हणाले – ‘प्रार्थना करा‘
मुंबई : पोलीसनामा ऑनलाइन – Lata Mangeshkar Health Updates | कोरोनाचा संसर्ग झाल्याने गानसम्राज्ञी लता मंगेशकर (Lata Mangeshkar) यांना ब्रीच कँडी रुग्णालयात (Breach Candy Hospital Mumbai) दाखल करण्यात आले होते. त्यांची प्रकृती बिघडल्याने 16 दिवसांपासून त्या डॉक्टरांच्या देखरेखीखाली आहेत. डॉ. प्रतीत समदानी (Dr. Pratit Samdani) यांच्यासह 5 डॉक्टरांचे पथक लता मंगेशकर यांच्यावर उपचार करत आहे. लतादीदी यांची प्रकृती बिघडल्याने चाहत्यांना सुद्धा चिंता सतावत आहे. (Lata Mangeshkar Health Updates)
लता मंगेशकर यांच्यावर उपचार करणारे डॉ. प्रतीत समदानी यांनी एका वृत्तसंस्थेला माहिती देताना सांगितले की, कालपासून त्यांची प्रकृती सुधारत असली तरी त्यांना आयसीयूमध्ये ठेवण्यात आले आहे. त्यांच्या प्रकृतीमध्ये लवकरात लवकर सुधारणा होण्यासाठी प्रार्थनेची गरज आहे.
डॉ. समदानी पुढे म्हणाले की, लतादीदी यांची प्रकृती सुधारण्याची सकारात्मक चिन्हे दिसत आहेत.
त्या लवकर घरी परताव्यात यासाठी आम्ही आतुरतेने वाट पाहत आहोत.
तसेच प्रार्थना करत आहोत. (Lata Mangeshkar Health Updates)
–
लता मंगेशकर यांच्या घरात काम करणार्या मोलकरणीला कोरोनाची लागण झाली होती.
यानंतर 92 वर्षीय लता मंगेशकर यांची चाचणी केली असता त्या पॉझिटिव्ह आढळल्या होत्या.
8 व 9 जानेवारीच्या मध्यरात्री त्यांना त्यांच्या निवासस्थानाजवळील ब्रीच कँडी रुग्णालयात दाखल करण्यात आले होते.
दरम्यान, लता मंगेशकर यांच्या प्रकृतीबाबत समाज माध्यमांवर उलट-सुलट माहिती प्रसारित होऊ लागल्याने लतादीदींच्या अधिकृत ट्विटर अकाऊंटवरून त्यांची हेल्थ अपडेट शेअर करण्यात आली आहे.
तत्पूर्वी लता दीदींच्या अधिकृत ट्विटर हँडलवरून लोकांना चुकीच्या बातम्या न पसरवण्याचे आवाहन सुद्धा करण्यात आले होते.
खोट्या बातम्या पसरवून दीदींच्या चाहत्यांना त्रास देणे बंद करा.
कृपया हे लक्षात ठेवा की लतादीदींची प्रकृती स्थिर आहे.
त्या लवकरात लवकर घरी जातील यासाठी सर्वांनी प्रार्थना करा, असे या ट्विटमध्ये म्हटले होते.
Web Title :- Lata Mangeshkar Health Updates | lata mangeshkar health update dr pratit samdani says continues to be in icu pray for speedy recovery
Join our WhatsApp Group, Telegram, facebook page and Twitter for every update
- Dark Circle Instant Removal Trick | आता 1 मिनटात डार्क सर्कल्स करा गायब, जाणून घ्या ‘हे’ घरगुती उपाय