मॅकडोनाल्डची मोठी घोषणा ! आता ‘या’ ठिकाणी 24 तास सुरु राहणार ‘स्टोअर’

मुंबई : पोलीसनामा ऑनलाईन : जर आपण खाण्याचे शौकीन असाल तर आता आपल्यासाठी मॅकडोनाल्डची स्टोअर आता 24 तास खुली राहणार आहेत. मात्र, ही सुविधा फक्त मुंबईकरांसाठी उपलब्ध असणार आहे. वास्तविक, ठाकरे सरकारने पर्यटनाला चालना देण्यासाठी नवीन धोरण राबविण्याचा निर्णय घेतला आहे. त्याअंतर्गत मुंबईतील दुकाने, सिनेमा आणि मॉल्स 27 जानेवारीपासून 24 तास सुरू राहतील. या दिशेने, मॅकडोनल्ड्सने मुंबईत अनेक ठिकाणी 24×7 रेस्टॉरंट उघडण्याची घोषणा केली आहे.

कुठे सुरु असणार 24 तास स्टोअर्स :
मॅकडोनल्ड्स सुरुवातीला मुंबईतील 7 ठिकाणी स्टोअर 24 तास सुरु ठेवतील. यामध्ये मुंबईतील कांदिवली परिसरातील ग्रोव्हल 101 मॉलमध्ये स्टोअर खुले असतील. तसेच अंधेरीचे इन्फिनिटी मॉल, मालाडचे इन्फिनिटी मॉल, कुर्लाचे फिनिक्स मार्केट, लोअर परेलचे फिनिक्स मार्केट, घाटकोपरचे आर-सिटी मॉल आणि गोरेगावचे ओबेरॉय मॉलमध्ये स्टोअर खुले असतील. दरम्यान, मुंबईतील वेस्टलाइफमध्ये मॅकडोनाल्डचे फ्रँचायझी स्टोअर चालतात.

उत्तर भारत वगळता संपूर्ण देशात मॅकडोनाल्डचा ब्रँड वापरण्याचा अधिकार फक्त वेस्टलाइफलाच आहे. मुंबईत 24 तास स्टोअर सुरू झाल्याने आम्ही खूप खूष आहोत, असे मॅकडोनल्ड इंडियाच्या दक्षिण पश्चिम स्ट्रैजी ऑपरेशनचे वरिष्ठ संचालक यांनी सांगितले. यामुळे व्यवसाय वाढेल. तसेच रोजगाराच्या नवीन संधीही निर्माण होतील. जगातील बर्‍याच ठिकाणी मॅकडोनल्डची स्टोअर 24 तास 7 दिवस चालू असतात.

महाराष्ट्र राज्याचे पर्यटनमंत्री आदित्य ठाकरे म्हणाले की, आता मुंबईतील पथदर्शी प्रकल्प म्हणून पब, मॉल आणि रेस्टॉरंट्स 24 तास सुरू केले जातील. सध्या ते मुंबईतील कला घोडा, नरिमन पॉईंट, बीकेसी आणि कमला मिल कंपाऊंड या भागात उघडण्याचे ठरले आहे. तसेच, मुंबईत नाईट लाइफ सुरू करण्याच्या संदर्भात सरकारने अनेक सुधारणा केल्या आहेत. रात्री दुकाने, हॉटेल आणि रेस्टॉरंट्स सुरू होतील, तेथे पार्किंग आणि सीसीटीव्ही सक्तीचे असतील. पोलिसांनी सीसीटीव्ही बसवण्यासाठी त्या ठिकाणांची ओळख पटविणे सुरू केले आहे.

मुंबईत नाईट लाइफ सुरू करण्याचा प्रस्ताव 2013 मध्ये मंजूर झाला होता, याला जिल्हा मुंबई पोलिस आयुक्तांनी 2015 मध्ये मंजूर केले होते. 2017 मध्ये हा प्रस्ताव विधानसभेनेदेखील मंजूर केला होता पण तो गृहखात्याच्या मान्यतेच्या प्रतीक्षेत होता.

फेसबुक पेज लाईक करा – 

 

You might also like