Co-Win ऍपची काहीच माहिती नाहीये ? मग जाणून घ्या, ‘सेल्फ रजिस्ट्रेशनपासून लसीकरणापर्यंत सर्वकाही’
नवी दिल्ली : वृत्तसंस्था – देशभरात कोरोनाबाधित रुग्णांच्या संख्येत पुन्हा एकदा वाढ होत आहे. त्यानंतर कोरोना व्हायरसवर लसीकरणही सुरु झाले आहे. आत्तापर्यंत सुमारे 1.30 कोटी नागरिकांना कोरोनावरील लस दिली गेली आहे. ज्यामध्ये आरोग्य कर्मचारी आणि फ्रंटलायनर वर्कर्सचा समावेश आहे. या लसीकरणाचा आता दुसरा टप्पा सुरु झाला आहे. त्यामध्ये 1 मार्चपासून लाभार्थी CO-Win डिजिटल ऍपवर सेल्फ रजिस्ट्रेशनच्या माध्यमातून लस घेऊ शकतात.
CO-Win पॅनेलचे अध्यक्ष आर. एस. शर्मा यांनी CO-Win 2.0 वर्जनच्या लाँचिंगपासून ते कोरोना लसीकरण या सर्वाबाबात माहिती दिली. त्यामध्ये त्यांनी सांगितले, की सेल्फ रजिस्ट्रेशनची प्रक्रिया सोपी आहे. तुम्हाला स्मार्टफोनवरून Cowin.Gov.in वर जाऊन Log-in करावे लागेल किंवा आरोग्य सेतू ऍपचा वापर करू शकता. त्यासाठी तुम्हाला तुमच्या मोबाईलवरून रजिस्ट्रेशन करावे लागणार आहे. त्यानंतर तुम्हाला OTP च्या माध्यमातून नाव, वय, लिंग आणि ओळखीचे कागदपत्रे (ID Proof) दाखवावी लागणार आहेत. तुम्ही तुमच्या अकाउंटमधून नोंदणीकृत कुटुंबातील चार सदस्यांची नावेही नोंद करू शकता.
सरकारी आणि खाजगी रुग्णालयातही मिळणार लस
60 वर्षे वयापेक्षा जास्त लोकांना सेल्फ रजिस्ट्रेशन असेल. 45-60 वर्षे वय असलेल्या लोकांना CO-Win 2.0 स्पष्टीकरण मागेल. जर तुम्ही होकार दिला तर तुम्हाला डॉक्टरांच्या सहीचे एक प्रमाणपत्र देणे गरजेचे आहे. जर तुम्ही अपॉईंट बुक केली तर तुम्हाला तेच डॉक्युमेंट जाताना लागणार आहे, जे तुम्ही केंद्रात रजिस्ट्रेशन करताना दिले होते. तसेच ही लस सरकारी रुग्णालयात मोफत दिली जाईल. मात्र, खाजगी रुग्णालयात या लशीसाठी 250 रुपये द्यावे लागणार आहेत.
केंद्रात जाऊनही करू शकता नोंदणी
60 वर्षांपेक्षा अधिक वयाच्या अनेकांना स्मार्टफोन किंवा इंटरनेटची माहिती नसेल. पण त्यांना लसीकरणात कोणतीही अडचण होणार नाही. ते सामान्य सेवा केंद्रात जाऊन नोंदणी करू शकतील. तसेच त्यांच्यासाठी 1507 हा हेल्पलाईन क्रमांकही देण्यात आला आहे. तुम्ही जवळच्या केंद्रात जाऊन नोंदणी करू शकता.
लसीकरणावर CO-Win ची नजर
कोव्हॅक्सिन किंवा कोव्हिशिल्ड मिळणार का? त्यावर शर्मा म्हणाले, दोन्ही लशी प्रभावी आहेत. सरकारने याचा वापर करण्यास परवानगीही दिली आहे. त्यामुळे लोकांकडे त्यांच्या निवडीचा पर्याय नाही. जर तुम्ही लस एका रुग्णालयातून घेतली तर तुम्हाला दुसरी लसही तिथूनंच घ्यावी लागेल. जर तसे नाही केले तर तुम्हाला दुसऱ्या रुग्णालयातून पहिल्यांदा जी लस दिली ती मिळेल.