Leucorrhoea-White Discharge | आयुर्वेदिक उपायांनी लवकर सोडवा ‘ल्यूकोरिया’ म्हणजे व्हाईट डिस्चार्जची समस्या; ‘त्रिफळा योनी वॉश’ची कृती जाणून घ्या
नवी दिल्ली : वृत्तसंस्था – Leucorrhoea-White Discharge | ल्युकोरिया किंवा पांढरा स्त्राव ही समस्या अनेक स्त्रियांमध्ये आढळते, परंतु जेव्हा ती सामान्यपेक्षा जास्त होऊ लागते आणि समस्या दीर्घकाळ टिकून राहते तेव्हा त्यावर वेळीच उपचार करणे आवश्यक असते. प्रायव्हेट पार्टमध्ये जळजळ, खाज सुटणे आणि अस्वस्थता (Private Part Infection) हे कोणत्याही आजाराचे किंवा संसर्गाचे कारण असू शकते. (Leucorrhoea-White Discharge)
या आजारामुळे महिलांना खूप अशक्तपणा आणि थकवा जाणवतो. कधीकधी या समस्येमुळे ओटीपोटात आणि पाठीत तीव्र वेदना देखील होतात. आयुर्वेदिक वैद्य शकुंतला देवी यांच्या मते, आयुर्वेदात पांढर्या स्रावापासून नैसर्गिक आराम मिळवण्याचे अनेक मार्ग आहेत.
स्वच्छता, योग्य खाण्याच्या सवयी आणि काही आयुर्वेदिक उपायांनी या समस्येवर नियंत्रण मिळवता येते.
शकुंतला देवी या समस्येवर उपचार करण्यासाठी दोन आयुर्वेदिक उपाय सांगतात. दोन्ही प्रभावी आहेत. एका उपायात भस्माचा वापर आणि दुसर्यामध्ये वनस्पतींचा वापर केला जातो. (Leucorrhoea-White Discharge)
1. वसंत कुस्मकार रस 10 ग्रॅम, त्रिवंग भस्म 5 ग्रॅम, अभ्रक भस्म 5 ग्रॅम, गुळवेळ सत्व 10 ग्रॅम, प्रवाळ पिष्टी 10 ग्रॅम, मुक्त पिष्टी 4 ग्रॅम, गोदंती भस्म 10 ग्रॅम. हे सर्व एकत्र करून तुमचे वय, रोग आणि शारीरिक क्षमता यानुसार 25 ग्रॅम किंवा 1 ग्रॅम मध किंवा मलईसोबत सकाळी आणि संध्याकाळी रिकाम्या पोटी डॉक्टरांच्या सल्ल्यानुसार घेऊ शकता.
2. यासोबतच स्त्री रसायन वटी, चंद्रप्रभा वटी या दोन्ही गोळ्या जेवणानंतर 30 मिनिटांनी घ्याव्यात. (सकाळी आणि संध्याकाळी प्रत्येकी एक गोळी)
3. ज्यांच्यासाठी भस्माचा वापरणे अवघड आहे किंवा सल्ल्यासाठी जवळपास डॉक्टर उपलब्ध नाहीत, ते वनस्पती वापरू शकतात. कारण त्याच्या सेवनासाठी डॉक्टरांच्या सल्ल्याची गरज नाही. बला, महाबला, अतिबला आणि नागबला या वनस्पतींच्या पंचांगापासून मिश्रण तयार करा.
पंचांग म्हणजे कोणत्याही वनस्पतीचे मूळ, देठ, पाने, बिया आणि फुले असे पाच भाग. या सर्व वनस्पतींचे पंचांग बारीक करून गाळून घ्यावे. आता हे मिश्रण 5 ग्रॅम दूध किंवा पाण्यासोबत सकाळी आणि संध्याकाळी रिकाम्या पोटी घेऊ शकता.
खबरदारी म्हणून चहा, कॉफी, मसालेदार मिरची, आंबट आणि मीठ घेणे टाळा, औषध लवकरच फायदा देईल.
4. ही समस्या टाळण्यासाठी, तुम्ही दररोज मूठभर भाजलेले हरभरे देखील खाऊ शकता. यामुळे तुमच्या शरीराला आवश्यक पोषक द्रव्ये मिळतात. तसेच भाजलेल्या हरभर्यात शोषण्याची क्षमता असते.
5. समस्येपासून मुक्त होण्यासाठी, योनीच्या स्वच्छतेकडे विशेष लक्ष द्यावे लागते.
यासाठी आयुर्वेदिक हर्बल पाण्यात बसून किंवा कडुलिंबाच्या काढ्याने योनी साफ करणे यासारखी थेरपी देखील घेऊ शकता.
शकुंतला देवी देखील त्रिफळा योनी वॉश वापरण्यावर सल्ला देतात.
त्रिफळा योनी वॉश कृती
दोन चमचे त्रिफळा पावडरमध्ये चिमूटभर हळद मिसळा आणि एक ग्लास पाण्यात उकळा.
जेव्हा ते एक चतुर्थांश होईल, तेव्हा थंड करून या काढ्याने कापसाच्या मदतीने योनी स्वच्छ करा.
तुरटीच्या पाण्यानेही योनी स्वच्छ करता येते.
(टीप – वरील लेख हा केवळ माहितीसाठी दिलेला आहे. यावरून आम्ही कुठलाही दावा करत नाही. कुठल्याही आजारावर उपचार घेण्यापुर्वी तज्ज्ञांचा सल्ला घ्यावा)
Web Title :- Leucorrhoea-White Discharge | quickly solve the problem of leucorrhoea or white discharge with ayurvedic remedies
Join our WhatsApp Group, Telegram, facebook page and Twitter for every update
PM Kisan अंतर्गत खात्यात आली नसेल रक्कम तर काय करावे, कसे ट्रान्सफर होतील 2000 रुपये? जाणून घ्या
Reduce Belly Fat | अवघ्या 15 दिवसात आत जाऊ शकते तुमचे सुटलेले पोट, ‘या’ गोष्टींची घ्या मदत