Coronavirus : UP सरकारचा मोठा निर्णय ! आमदारांच्या वेतनात ‘कपात’, निधी 1 वर्षासाठी ‘स्थगित’

नवी दिल्ली, वृत्तसंस्था : कोरोना संकटाच्या पार्श्वभूमीवर बुधवारी उत्तर प्रदेशमधील मंत्रिमंडळाच्या बैठकीत एक मोठा निर्णय घेण्यात आला. यूपी सरकारच्या मंत्रिमंडळाने राज्यातील आमदारांच्या निधीचा फंड एक वर्षासाठी पुढे ढकलला आहे. याबरोबरच निवडून आलेले आमदार आणि एमएलसी यांच्या वेतनातही कपात करण्यात आली आहे. तसेच लोकप्रतिनिधींच्या पगारामध्ये 30 टक्के कपात करण्यात आली आहे. सध्या राज्य आपत्ती निधीची रक्कम, जी सध्या 600 कोटी आहे, ती 1200 कोटी करण्यात आल्याचे समजते. या प्रकरणात यूपीचे योगी सरकार केंद्र सरकारच्या मार्गाचा अवलंब करण्याचा प्रयत्न करीत आहे.

व्हिडिओ कॉन्फरन्सिंगद्वारे घेण्यात आली बैठक
यूपीमध्ये प्रथमच योगी सरकारच्या मंत्रिमंडळाची बैठक व्हिडिओ कॉन्फरन्सिंगद्वारे घेण्यात आली. कोरोनाविरूद्ध सतत लढाई लढत असलेल्या यूपी सरकारच्या लॉकडाऊन दरम्यान ही बैठक खूप महत्वाची मानली जात होती. या बैठकीपूर्वी उत्तर प्रदेशातील निवडून आलेल्या लोकप्रतिनिधींच्या पगारामध्ये 30 टक्क्यांपर्यंत कपात करता येईल, अशी माहिती मिळाली होती. केंद्र सरकारच्या धर्तीवर योगी मंत्रिमंडळाने असा प्रस्ताव आणण्याची तयारी केली होती.

महत्त्वाचे म्हणजे पंतप्रधान नरेंद्र मोदी यांच्या अध्यक्षतेखाली झालेल्या मंत्रिमंडळाच्या बैठकीत खासदार निधीचा फ़ंड दोन वर्षांसाठी पुढे ढकलण्यात आला. यासह कोरोनाला सामोरे जाण्यासाठी अध्यक्ष, पंतप्रधान आणि खासदारांचे पगार 30 टक्क्यांनी कमी करण्याचा निर्णय घेण्यात आला. हा निर्णय 1 एप्रिल 2020 पासून लागू मानला जाईल. या निर्णयानंतर लगेचच राष्ट्रपती, उपराष्ट्रपती आणि राज्यपाल यांनी देखील स्वेच्छेने वर्षासाठी 30 टक्के कमी पगार घेण्याची घोषणा केली.

हॉटस्पॉट भागात सील करीत आहे उत्तर प्रदेश सरकार
कोरोना विषाणूचा धोका लक्षात घेता योगी सरकारने उत्तर प्रदेशातील 15 जिल्ह्यांमधील हॉटस्पॉट भागात संपूर्णपणे सील करण्याचा निर्णय घेतला आहे. या भागात सर्वाधिक कोरोना पॉझिटिव्ह रुग्ण आढळले आहेत. यासंदर्भात मुख्य सचिव आरके तिवारी यांनी डीएम, एसएसपी आणि 15 जिल्ह्यांतील संबंधित मंडलयुक्तांना पत्र पाठविले आहे. यात 15 जिल्ह्यातील 22 बाधित क्षेत्र सील करण्याबद्दल लिहिले गेले आहे. मिळालेल्या माहितीनुसार, बुधवारी रात्री 12 वाजेनंतर हा आदेश लागू करण्यात आला आहे

आतापर्यंत 343 कोरोना संक्रमित रुग्ण
अधिकाऱ्यांनी दिलेल्या माहितीनुसार उत्तर प्रदेशात आतापर्यंत एकूण 343 कोरोना पॉझिटिव्ह रुग्ण आढळले आहेत. राज्यातील सर्व संक्रमित जिल्ह्यांपैकी डीएम-एसपीने 15 जिल्ह्यांमधील 22 हॉटस्पॉट्स ओळखले आहेत ज्यात कोरोना रूग्णांची संख्या 6 किंवा त्याहून अधिक आहे. या भागांना 15 एप्रिलपर्यंत सील करण्यात आले आहे.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
W3Schools
You might also like