पोलीस घडामोडीप्रशंसनीय सेवा

कडक सॅल्यूट ! ‘ड्यूटी’, ‘रोजा’ आणि मुलीची ‘देखभाल’, तिन्ही मोर्चावर एकाच वेळी काम करतेय ‘ही’ महिला पोलिस अधिकारी

नवी दिल्ली : वृत्तसंस्था – कोरोना विषाणूच्या संसर्गामुळे केवळ दैनंदिन आयुष्यच बदलले नाही तर काम करण्याचा मार्गही बदलला आहे. लखनऊ पोलिस उपनिरीक्षक निदा अर्शी यांना या कठीण काळात देखील आपल्या मुलीला सोबत घेऊन ड्यूटीवर जावे लागत आहे. एसआय निदा अर्शी म्हणाल्या की कोरोनाच्या या कठीण काळात त्या आपले कर्तव्य सोडू शकत नाहीत, म्हणून त्यांना आपल्या मुलीसह रुग्णालयात यावे लागत आहे. एवढेच नाही तर त्यांनी रोजा देखील ठेवला आहे. कोरोना संक्रमण दरम्यान पोलिस अधिकारी निदा अर्शी एकाच वेळी तीन गोष्टींना सामोऱ्या जात आहेत.

लखनऊच्या पोलिस अधिकारी निदा अर्शी यांनी म्हटले आहे की, आज मी माझ्या मुलीला सोबत घेऊन आली आहे, कारण तिची काळजी घेणारी तिची आजी आजारी आहे, त्यामुळे तिला घेऊन पोलिस स्टेशनमध्ये यावे लागले. कोरोना साथीच्या कारणामुळे यावेळी आपल्याला आपले कर्तव्य पार पाडायचे आहे, तसेच निदा अर्शी म्हणाल्या की यावेळी त्यांनी रोजा देखील ठेवला आहे. उत्तर प्रदेशची राजधानी लखनऊमध्ये कोरोनाने संक्रमित झालेल्यांची संख्या 196 आहे. येथे उपचारानंतर 37 लोकांना घरी सोडण्यात आले आहे, तर एका व्यक्तीचा संसर्ग झाल्यामुळे मृत्यू झाला आहे. आता येथे 158 रूग्णांवर उपचार सुरू आहेत.

रुग्णालयांमध्ये पीपीई किट आणि एन-95 मास्क उपलब्ध करावेत
सीएम योगी आदित्यनाथ यांनी अधिकाऱ्यांना रुग्णालयांमध्ये पीपीई किट आणि एन-95 मास्कची उपलब्धता सुनिश्चित करण्यास सांगितले आहे. मुख्यमंत्री म्हणाले की कोविड -19 रूग्णांच्या उपचारासाठी प्लाझ्मा थेरपीला प्रोत्साहन दिले जावे, चाचणी करण्याची क्षमता वाढवावी आणि सर्व चाचणी प्रयोगशाळांमध्ये पूल चाचणीची व्यवस्था उपलब्ध करण्यात यावी.

कोरोना संक्रमणाची प्रत्येक साखळी तोडली पाहिजे
मुख्यमंत्री योगी आदित्यनाथ म्हणाले की कोरोना संक्रमणाची प्रत्येक साखळी तोडली पाहिजे. सर्व आरोग्य कर्मचार्‍यांना त्याचा संसर्ग रोखण्यासाठी प्रशिक्षण दिले पाहिजे. रुग्णालयांमधून बाहेर पडणारा जैव-वैद्यकीय कचरा अत्यंत सावधगिरीने नष्ट करावा असे निर्देशही त्यांनी दिले. तसेच मुख्यमंत्र्यांनी सांगितले की, जिल्हा पातळीवर मुख्य वैद्यकीय अधिकाऱ्यांनी नर्सिंग होमच्या संचालकांशी व इतर डॉक्टरांशी भेट घेऊन टेलिमेडिसिनद्वारे समुपदेशन देणाऱ्या डॉक्टरांची व्यवस्था करावी.