ताज्या बातम्याराष्ट्रीय

COVID-19 मुळं देशात पहिल्या डॉक्टरचा मृत्यू, करत नव्हते ‘कोरोना’च्या रूग्णांवर उपचार

नवी दिल्ली : वृत्तसंस्था : कोरोना व्हायरसच्या संसर्गामुळे देशातील पहिल्या डॉक्टरचा मृत्यू झाला आहे. इंदोर येथील रहिवासी डॉ. शत्रुघ्न पंजवानी यांचे कोविड -१९ मुळे गुरुवारी पहाटे चार वाजता निधन झाले. माहितीनुसार, ते कोरोना बाधित रुग्णांवर उपचार करीत नव्हते, मात्र ते कोविड -१९ पॉझिटिव्ह रुग्णाच्या संपर्कात आले असावे, अशी शंका व्यक्त केली जात आहे. दरम्यान, काही दिवसांपूर्वी, डॉक्टर पंजवानी कोरोना पॉझिटिव्ह असल्याचे आढळले. ते एक प्राइवेट प्रॅक्टिशनर होते. पंजवानी इंदोरच्या रुपनगर येथे राहत होते, यांच्यावर पहिल्यांदा गोकुळदास, नंतर सीएचएल येथे उपचार सुरू होते आणि त्यानंतर अरविंद येथे हलविण्यात आले, पण आज सकाळी त्यांचे निधन झाले.

बुधवारपर्यंत मध्य प्रदेशात ४०४ पॉझिटिव्ह रुग्ण आढळले आहेत आणि त्यापैकी ३० जणांचा मृत्यू झाला आहे. त्याच केवळ इंदोरमध्येच २१३ पॉझिटिव्ह रुग्णांची नोंद झाली असून त्यापैकी २१ जणांचा मृत्यू झाला आहे. याउलट, १४ लोक असे आहेत जे उपचारानंतर बरे झाले आहेत. दरम्यान, मध्य प्रदेशातील वाढत्या प्रादुर्भावामुळे प्रशासन कठोर बनले असून बरीच शहरे पूर्णपणे बंद केली आहेत. आतापर्यंत इंदोर व्यतिरिक्त मुरैनामध्ये १३, उज्जैनमध्ये १५, जबलपूरमध्ये ९, भोपाळमध्ये ९४, ग्वाल्हेरमध्ये ६, शिवपुरीमध्ये २, खरगोनमध्ये १२, छिंदवाड्यात १२, बड़वानीत १२, विदिशामध्ये २, बैतूलमध्ये १, होशंगाबादमध्ये ६, श्योपूर, रायसेन, खंडवा आणि धार येथे प्रत्येकी एक रुग्णाची नोंद आहे.

शिवराज यांनी उचलली कठोर पावले :
राज्यात कोरोनाचे वाढते संक्रमण पाहता राज्य सरकारने आता कठोर पावले उचलण्यास सुरवात केली आहे. मुख्यमंत्री शिवराजसिंह चौहान यांनी पोलिसांना सूचना दिली आहे की जर एखाद्या व्यक्तीने कोरोना संसर्ग लपविला तर त्याच्याविरोधात एफआयआर दाखल करावा. दंडात्मक कारवाई करण्याचे निर्देशही देण्यात आले आहेत. यासह भोपाळ, इंदोर, आणि उज्जैन या हॉटस्पॉट भागातही संपूर्ण सीलबंद करण्यास सांगितले आहे. त्याचबरोबर सीएम चौहान यांनी कोरोना संक्रमणाने ग्रस्त १४ जिल्ह्यांमधील लॉकडाऊन काटेकोरपणे पाळण्याचेही आदेश दिले आहेत.

तबलीगी जमातच्या लोकांना देण्यात आला इशारा
यापूर्वी शिवराजसिंह चौहान यांनी तबलीगी समाजातील लोकांना निशामुद्दीनच्या मरकजमध्ये सामील झाल्यानंतर २४ तासांच्या आत राज्यात पोचल्यानंतर त्यांनी राज्य अधिकार्‍यांना अहवाल द्यावा, अन्यथा फौजदारी तरतुदींनुसार कारवाई केली जाईल, असा इशारा दिला होता.