MP हनी ट्रॅप केस : आरोपपत्रातील 9 प्रश्नांची उत्तरे CID कडे नाहीत,तपास यंत्रणा संशयाच्या भोवर्‍यात
sex racketभोपाळ : वृत्तसंस्था – मध्य प्रदेशातील चर्चेत असलेल्या हनी ट्रॅप प्रकरणात सीआयडीने दाखल केलेल्या आरोपपत्रांविषयी तपास यंत्रणा नेमके कुणावर खटला चालवत आहे, आणि कोणाचा बचाव करत आहे, असे अनेक प्रश्न उपस्थित केले जात आहेत. प्रत्यक्षात सीआयडीच्या आरोपपत्रानुसार या प्रकरणात ज्या आरोपीची भूमिका होती त्या आरोपींची चौकशी केली गेली नाही किंवा त्यांना आरोपी म्ह्णून घोषितही केले नाही. चार्जशीटमध्ये सर्व संशयितांचा उल्लेख आहे, परंतु तपास यंत्रणांनी त्यांची चौकशी केली नाही.
या प्रकरणातील तक्रारदार मोनिकाचे वडील होते. आपल्या मुलीला दुष्कर्म करण्यासाठी आमिष दाखविल्याचा आरोप मोनिकाच्या वडिलांनी केला. सीआयडीने भोपाळ जिल्हा न्यायालयात चौकशी करत ६००पृष्ठांची आरोपपत्र सादर केले. त्यात बरीच नावे नमूद आहेत, ज्यांची चौकशी केली गेली नाही किंवा त्यांना आरोपीही करण्यात आले नाही. यामुळेच या आरोपपत्रांवर प्रश्न उपस्थित होऊ लागले आहेत.
आरोपपत्रातील हे प्रश्न अनुत्तरित :
1 – आरोपी मोनिकाने आपल्या निवेदनात अन्नमंत्री प्रद्युम्न सिंग तोमर यांचे खासगी सचिव हरीश खरे आणि खनिज मंत्री प्रदीप जयस्वाल यांचे खास सहाय्यक अरुण निगम यांच्यावर जबरदस्ती करण्याचा प्रयत्न केल्याचा आरोप केला. हे दोन्ही अधिकारी त्यांच्या अश्लील व्हिडिओंमुळे हनीट्रॅपला बळी पडले होते.मोनिकाविरूद्ध मानवी तस्करीचा गुन्हा दाखल करण्यात आला होता, परंतु तिच्या विधानाच्या आधारे हरीश खरे आणि अरुण यांच्याविरोधात एफआयआर दाखल करण्यात आला नव्हता.
२ – आरोपपत्रात आरोपी आरती दयाल यांच्या घरातून १० कोटीपेक्षा जास्तीचे तीन चेक, लाखोंची रोकड, मालमत्ता कागदपत्रे, सरकारी योजना आणि दहा कोटींपेक्षा जास्त किंमतीच्या कागदपत्रांच्या हस्तांतरणाची नोंद आहे, परंतु त्यासंबंधात कोणताही संबंध उघड झाला नाही.
3 – आयएएस अधिकाऱ्याकडून एक कोटी रुपये घेण्याचाही उल्लेख आहे, परंतु त्या अधिकाऱ्याच्या नावाचा आरोपपत्रात उल्लेख नाही.
4 – छतरपूर जिल्हा कॉंग्रेसचे अध्यक्ष मनोज त्रिवेदी यांना त्यांच्या दोन सहाय्यकांसह ब्लॅकमेल करण्याच्या प्रकरणात छतरपूर टीआयची भूमिका असूनही कोणतीही कारवाई झाली नाही.
5 – आरोपी श्वेता विजय जैनशी संबंधित असलेल्या पूजा नावाच्या महिलेने आत्महत्या केली. या महिलेचा माजी खासदाराशी संबंध होता. पूजाच्या आत्महत्येचा उल्लेख चार्जशीटमध्ये आहे, परंतु या मुद्द्यावर कोणताही तपास झाला नाही.
6 – सोशल मीडियावर आलेल्या अधिकारी आणि प्रभावशाली व्यक्तींच्या आरोपपत्रात ऑडिओ-व्हिडिओ उल्लेखही नाही.
7 – या प्रकरणात, भोपाळच्या दोन पत्रकारांच्या नावांचा उल्लेख चार्जशीटमध्ये पैशाच्या व्यवहारात करण्यात आला होता, परंतु त्यांच्याकडून कोणतीही चौकशी केली गेली नाही किंवा त्यांना कोणतीही नोटीस पाठविली नाही.
8 – आरोपपत्रात आरोपी श्वेता स्वप्निल जैन यांचे बर्‍याच अधिकारी आणि प्रभावशाली व्यक्तींशी चांगले संबंध आहेत, परंतु या नावे उघडकीस आणली गेली नाहीत किंवा चौकशीत त्यांच्या चौकशीचा कोणताही तपशीलही आढळला नाही.
9 – आरती दयाल यांच्या घरातून सापडलेल्या पाच गुलाबी डायरीत जमीन खरेदी-विक्री व्यवहार, व्यवहार संहिता, करार व हस्तांतरण पोस्टिंगचा उल्लेख करूनही कोणतीही कारवाई केली गेली नाही.
दरम्यान, विशेष डीजी राजेंद्र कुमार यांच्या अध्यक्षतेखालील हनीट्रॅप प्रकरणाची एसआयटी चौकशी करीत आहे. राजेंद्र कुमार या प्रकरणात काहीही बोलण्यापासून टाळाटाळ करत आहेत. त्यामुळे एसआयटी कोणाच्या दबावाखाली काम करत आहे का, असाही प्रश्नही उपस्थित होत आहे. मानवी तस्करीची आरोपपत्र सादर करण्याचा तपास यंत्रणेला पर्याय असला, तरी मुख्य आरोपपत्रात नमूद केलेले प्रश्न तपासले जात नाहीत. एसआयटी या प्रकरणात काहीही बोलण्यास टाळाटाळ करीत आहे. अशा परिस्थितीत कोणाचा बचाव केला जात आहे व कोणास फसवले जात आहे, हा प्रश्न उपस्थित होणे बंधनकारक आहे.
फेसबुक पेज लाईक करा – https://www.facebook.com/policenama/
- किवी फळाचे ‘हे’ आहेत ७ आरोग्यायी फायदे, जाणून घ्या
- ‘या’ ४ रक्तगटानुसार ठरवा कोणता चहा प्यायचा ! जाणून घ्या
- ‘चिकन सूप’ प्या, मानसिक ताण दूर पळवा ! ‘हे’ ५ पदार्थ नियमित खा
- दही-भात खाण्याचे ‘हे’ ७ आरोग्यदायी फायदे तुम्हाला माहीत आहेत का ?
- जेवण स्वादिष्ट बनवणारा ‘तेजपत्ता’ या ७ समस्यांवर आहे गुणकारी
- ‘या’ ५ गोष्टी कमी करतील तुमचे ‘हाय ब्लड प्रेशर’, जाणून घ्या
- रात्री केस धुवून झोपत असाल तर ‘या’ ७ गोष्टींचा आहे धोका !