सत्ताधारी पक्षाने औद्योगिकनगरीची भकासनगरी केली : अण्णा बनसोडे
File Photoपिंपरी : पोलीसनामा ऑनलाइन – पिंपरी-चिंचवड उद्योगनगरीने हजारो हातांना एकेकाळी रोजगार दिला. मात्र, नोटबंदी, जीएसटी यामुळे देशात मंदीची लाट आली असून त्याचा फटका या उद्योगनगरीतील अनेक कंपन्यांना बसला आहे. भाजप शिवसेनेने या कामगारनगरीची भकासनगरी केली आहे, अशी टिका पिंपरी मतदारसंघातील राष्ट्रवादी कॉंग्रेस- कॉंग्रेस मित्र पक्ष आघाडीचे उमेदवार माजी आमदार अण्णा बनसोडे यांनी येथे केली.
राष्ट्रवादी कॉंग्रेस- कॉंग्रेस मित्र पक्ष आघाडीच्या वतीने आकुर्डी गावठाणात आयोजित बैठकीत माजी आमदार बनसोडे बोलत होते. यावेळी माजी महापौर मंगलाताई कदम, माजी उपमहापौर राजू मिसाळ, राष्ट्रवादी कॉंग्रेस महिला आघाडीच्या शहराध्यक्षा नगरसेविका वैशाली काळभोर, नगरसेवक जावेद शेख, माजी नगरसेवक निलेश पांढारकर आदी उपस्थित होते. बनसोडे यांनी काळभोरनगर, आकुर्डी भागात कार्यकर्त्यांशीही संवाद साधला.
यावेळी माजी आमदार बनसोडे म्हणाले की, नोटबंदी व जीएसटीमुळे देशात मंदीची लाट आली आहे. वाहन उद्योग क्षेत्रात प्रचंड मंदी आहे. साडेतीन लाख लोक बेकार झाले आहेत. बांधकाम क्षेत्रही मंदीच्या खाईत लोटले गेले आहेत. पिंपरी चिंचवड ही उद्योगनगरी आहे. वाहन उद्योग क्षेत्रात आलेल्या मंदीचा फटका पिंपरी चिंचवड शहरातील टेल्कोसह अनेक कंपन्यांना बसला आहे. त्यामुळे कामगारवर्ग भयभीत झाला आहे. उद्या आपल्या व आपल्या कुटुंबियांच्या उदरनिर्वाहाचे काय? हा प्रश्न त्याला भेडसावत आहे. मात्र, सरकारला त्याची काहीच काळजी नाही. पक्षांतर घडवणे व निवडणूका जिंकणे यातच सरकारची शक्ती खर्च पडत आहे. त्यामुळे एकेकाळी हजारो हातांना रोजगार दिलेल्या पिंपरी चिंचवडमधील कामगारांचे काय होणार? असा प्रश्न सर्वांनाच पडला आहे. उद्योग आणि कामगारांच्या मुळावर आलेले हे सरकार उलथवून टाकण्यासाठी आपल्याला कामगारांनी बळ द्यावे व पिंपरी मतदारसंघातून मोठ्या मताधिक्याने विजयी करावे, असे आवाहन माजी आमदार बनसोडे यांनी केले.
माजी आमदार अण्णा बनसोडे यांनी अगरवाल समाज महिला मंडळासही भेट दिली. अध्यक्षा रेणू मित्तल यांनी त्यांचे स्वागत केले व विजयासाठी शुभेच्छा दिल्या. महिलांचे प्रश्न सोडविण्यासाठी आपण कायम कार्यरत राहू असे अभिवचन यावेळी बनसोडे यांनी महिला भगिनींना दिले.
visit : policenama.com
- तुमच्या मनाला आवडणारे उपाय करून सांभाळा फिटनेस, असा होईल फायदा
- केसांच्या समस्यांनी त्रस्त आहात का? मग ‘हे’ उपाय करून दूर करा समस्या
- मोजे काढताच पायांची दुर्गंधी येत असल्यास करा ‘हे’ खास उपाय, समस्या होईल दूर
- हे’ फळ खाल्ल्यानंतर कधीही पिऊ नका पाणी, जाणून घ्या कारण
- असे ठेवा तुमच्या रागावर नियंत्रण, या खास टिप्स नेहमी ठेवा लक्षात
- या’ सवयी असतील तर वेळीच व्हा सावध! होऊ शकतो ‘ब्लॅडर कॅन्सर’
- ‘हे’ १० गंभीर आजार ऐन तारुण्यातही मुला-मुलींना होऊ शकतात, अशी घ्या काळजी
- मासिक पाळी उशिरा येण्यासाठी करा ‘हे’ ८ नैसर्गिक उपाय, ‘नो साइड इफेक्ट’
- बॉडी बनविण्यासाठी घाम गाळायची गरज नाही, फक्त ‘या’ टिप्स फॉलो करा
- ‘हे’ मधुमेहावर आहे रामबाण औषध, ‘हा’ सोपा उपाय करा, जाणून घ्या इतर फायदे