‘अडचण असल्यास शरद पवारांकडे जावं, सध्या तेच चालवताहेत सरकार’ : चंद्रकांत पाटील

मुंबई : पोलीसनामा ऑनलाइन – उद्धव ठाकरे सरकारवर महाराष्ट्र भाजपने पुन्हा एकदा जोरदार हल्ला चढविला आहे. महाराष्ट्र भाजपचे अध्यक्ष चंद्रकांत पाटील म्हणाले की, उद्धव ठाकरे यांना भलेही वाटत असेल की, सरकार ते चालवत आहेत पण महाराष्ट्र सरकारची कमान राष्ट्रवादी कॉंग्रेस पार्टीचे अध्यक्ष शरद पवार यांच्या हाती आहे. चंद्रकांत पाटील म्हणाले की, मुख्यमंत्री उद्धव ठाकरे यांना भेटण्याचा काही उपयोग नाही.

चंद्रकांत पाटील म्हणाले की, तुम्हाला जर महाराष्ट्रातील कोणत्याही विषयावर बोलायचे असेल आणि समस्येवर तोडगा काढायचा असेल तर उद्धव ठाकरे यांच्याऐवजी शरद पवार यांची भेट घ्यावी. ते म्हणाले की, उद्धव ठाकरे यांना भेटण्याचा काही उपयोग नाही कारण ठाकरे यांच्या हाती काहीही नाही. वास्तविक, विजेच्या वाढीव दराच्या मुद्द्यावरून मनसेचे प्रमुख राज ठाकरे यांनी महाराष्ट्र राज्यपाल भगतसिंग कोश्यारी यांची भेट घेतली होती. त्याला उत्तर देताना पाटील म्हणाले की, राज्यपाल कोश्यारी हे राज ठाकरेंशी काय बोलले ते मला माहित नाही.

चंद्रकांत पाटील म्हणाले की, ‘मी म्हणेन की काही समस्या असल्यास शरद पवार यांच्याकडे जायला हवे कारण ते सरकार चालवत आहेत. मुख्यमंत्री उद्धव ठाकरे यांना भेटण्याचा काही उपयोग नाही. महाराष्ट्रातील कोणतीही समस्या सोडविण्यासाठी प्रत्येकाने शरद पवारांना भेटले पाहिजे.’

ते म्हणाले की, शरद पवार आणि देवेंद्र फडणवीस सहज उपलब्ध आहेत पण मुख्यमंत्री उध्दव ठाकरे हे कधीच प्रवास करायला येत नाहीत म्हणून त्यांना काही अडचणही माहित नाही. पाटील यांनी असा दावा केला आहे की, गेल्या नऊ महिन्यांत मुख्यमंत्री कार्यालयाला लिहिलेल्या त्यांच्या पत्राचे त्यांना एकच उत्तर आले नाही.

You might also like