’सामना’च्या लेखावरून भडकली काँग्रेस, म्हटले – ‘UPA च्या बाहेरच्या पक्षाने आम्हाला सल्ला देऊ नये’
मुंबई : शिवसेनेचे मुखपत्र ’सामना’मध्ये युपीएवर निशाणा साधला आहे, ज्यानंतर आता काँग्रेसने (Congress) पलटवार केला आहे. शिवसेनेला सूचना देत काँग्रेस नेते आणि माजी मुख्यमंत्री अशोक चव्हाण (Former Chief Minister Ashok Chavan) यांनी म्हटले की, जो पक्ष युपीएचा भाग नाही, त्याने युपीएच्या नेतृत्वाबाबत काँग्रेसला (Congress) सल्ला देऊ नये. सोनियाजींचे नेतृत्व सक्षम आहे.
काँग्रेसने शिवसेना दिली सूचना
काँग्रेसकडून आलेले वक्तव्य सामानामध्ये शनिवारी छापलेल्या लेखानंतर आले आहे. ’सामना’मध्ये युपीएला एनजीओची उपमा देत म्हटले आहे की, शेतकरी आंदोलनावर काँग्रेस आणि युपीए, मोदी सरकारवर दबाव आणण्यात अपयशी ठरले. या लेखानंतर काँग्रेसकडून माजी मुख्यमंत्री अशोक चव्हाण यांनी शिवसेनेला सूचना केली आहे की, जो पक्ष युपीएचा भाग नाही, त्याला युपीएच्या नेतृत्वाबाबत काँग्रेसला सल्ला देऊ नये. सोबतच त्यांनी म्हटले की, शरद पवार यांनी स्वत: स्पष्ट केले आहे की, ते युपीएची सूत्र स्वीकारणार नाहीत.
आघाडीवर केले हे वक्तव्य
याबाबतीत महाराष्ट्रातील काँग्रेस नेते नसीम खान यांनी सुद्धा शिवसेनेवर प्रतिक्रिया दिली आहे. त्यांनी म्हटले की, काँग्रेस पक्षाने कॉमन मिनिमम प्रोग्रामच्या आधारावर महाराष्ट्रात शिवसेनेला पाठींबा दिला आहे. शिवसेना युपीएचा भाग नाही. यासाठी युपीएबाबत शिवसेनेला आपले विचार व्यक्त करण्याचा अधिकार नाही आणि शिवसेनेने हे लक्षात ठेवावे. त्यांनी पुढे म्हटले की, आमचा पक्ष नेहमी कृषी कायद्याच्या विरोधात राहीला आहे. सोनिया गांधी, राहुल गांधी आणि संपूर्ण काँग्रेस पक्ष मजबूतीने शेतकर्‍यांच्या सोबत उभा आहे.
’सामना’ मध्ये राहुल गांधी यांच्यावर टिप्पणी
सामनाने राहुल गांधी यांच्यावर टिप्पणी करताना लिहिले होते की, ते काम तर पुरेसे करतात, परंतु त्यांच्या नेतृत्वात अजूनही काही कमतरता आहे. काँग्रेसला एक फुलटाइम अध्यक्षाची आवश्यकता आहे. सोबतच युपीएमध्ये गडबड आहे आणि विरोधी पक्षांना एकत्र करण्यासाठी नेतृत्वाची गरज आहे. युपीएमध्ये केवळ शरद पवारच दिसून येतात. त्यांच्या अनुभवाचा लाभ पीएम मोदीसुद्धा घेतात.