Coronavirus : राज्यात गेल्या 24 तासात ‘कोरोना’चे 3645 नवे पॉझिटिव्ह तर 84 जणांचा मृत्यू

मुंबई : पोलीसानामा ऑनलाइन –  राज्यात आज 3 हजार 645 नवीन कोरोना बाधित रुग्णांची नोंद झाली असून दिवसभरात 9 हजार 905 नवीन रुग्णांचे निदान झाले आहे. तर 84 जणांचा मृत्यू झाला. राज्याचा रिकव्हरी रेट 89.2 टक्क्यांच्या जवळ पोहचला असून हा खूप मोठा दिलासा ठरला आहे.

राज्यात कोरोना व्हायरसने थैमान घातलं असतानाच आता सकारात्मक बातमी समोर येत आहे. राज्यात आता झपाट्याने कोरोना रुग्णांची संख्या कमी होत आहे. मागील काही दिवसांपासून नवीन कोरोना बाधितांची संख्या 10 हजारावरून खाली उतरली आहे. आज दिवसभरात 3 हजार 645 नीवन कोरोनाचे रुग्ण आढळून आले आहेत. आजही नवीन रुग्णांपेक्षा कोरोनामुक्त झालेल्या रुग्णांची संख्या अधिक आहे. आज 9 हजार 905 रुग्ण बरे होऊन घरी परतले आहेत. तर राज्यात आजपर्यंत 14 लाख70 हजार 660 कोरोनाबाधित रुग्णांनी कोरनावर मात केली आहे. त्यामुळे राज्यातील रिकव्हरी रेट 89.2 टक्के इतका झाला आहे.

https://twitter.com/ANI/status/1320744723640770560/photo/1

राज्यात कोरोना बाधित रुग्णांच्या मृतांची संख्या कमी होताना दिसत आहे. आज 84 कोरोना रुग्णांचा उपचारादरम्यान मृत्यू झाला आहे. राज्यातील मृत्यूदर 2.63 टक्के इतका झाला आहे. आजपर्यंत तपासलेल्या 86 लाख 45 हजार 195 चाचण्यांपैकी 16 लाख 48 हजार 665 नमुने पॉझिटिव्ह आले आहेत. राज्यात रुग्ण आढळून येण्याचे प्रमाण 19.7 टक्के आहे. सध्या राज्यात 25 लाख 30 हजार900 व्यक्ती होम क्वारंटाईनमध्ये आहेत तर 13 हजार 690 व्यक्ती संस्थात्मक क्वारंटाईनमध्ये आहेत.

You might also like