मुंबई : पोलीसनामा ऑनलाइन – महाराष्ट्रातील ऊर्जामंत्री डॉ नितीन राऊत यांना कोरोनाची लागण झाली आहे त्यांनी स्वत: ट्विट करत याबद्दल माहिती दिली आहे. इतकंच नाही तर त्यांच्या संपर्कात आलेल्यांनाही त्यांनी कोरोना चाचणी करण्याचं आवाहन केलं आहे. याआधीही राज्य सरकारमधील 5 मंत्र्यांना कोरोनाची लागण झाली होती. यानंतर आता ऊर्जामंत्री राऊत यांचा कोरोना टेस्ट रिपोर्ट पॉझिटीव्ह आला आहे.
I have been tested positive for Covid-19 today. I would like to request to all those who had come in contact with me the past few days to get themselves tested as a precautionary measure.Stay Safe everyone and takecare🙏🏻
— Dr. Nitin Raut 🇮🇳 (@NitinRaut_INC) September 18, 2020
नितीन राऊत यांनी ट्विट करत लिहिलं की, “माझी कोरोना चाचणी पॉझिटीव्ह आली आहे. मागील काही दिवसांपासून जे नागरिक माझ्या संपर्कात आहेत त्यांनी त्यांची कोरोना चाचणी करून घ्यावी.” असं आवाहन देखील त्यांनी केलं आहे.
राज्यात यापूर्वी जितेंद्र आव्हाड, अशोक चव्हाण, धनंजय मुंडे, विश्वजित कदम, शंकरराव गडाख यांच्यासह अन्य काहींना कोरोनाची लागण झाली होती.
भारतात सर्वाधिक कोरोना बाधितांची संख्या ही महाराष्ट्रात आहे. या ठिकाणी बाधितांचा आकडा हा 10 लाखांच्या पुढे गेला आहे. त्यात 3 लाख ॲक्टीव्ह कोरोना रुग्ण आहेत. तर 30 हजारांहून अधिक रुग्णांचा मृत्यू झाला आहे.