राज्य सरकारकडून 36 हजार पदांसाठी या महिन्यातच जाहिरात!

मुंबई : पोलीसनामा ऑनलाईन 

राज्य सरकारने ७२ हजार जगासाठी नोकरभरती करणार अशी घोषणा राज्य सरकारने केली होती. आता यातील पहिल्या टप्प्यातील ३६ हजार जागांसाठी या महिन्याच्या अखेरीस सर्व विभागाच्या जाहिराती प्रसिद्ध होणार आहेत. या साठी सर्व परीक्षा राज्यभरात एकाच दिवशी महापोर्टलमार्फत घेण्यात येणार आहेत. येत्या ३१ जुलै अखेर पर्यंत  कृषी आणि पदुम, ग्रामविकास, सार्वजनिक बांधकाम, गृह विभाग, आरोग्य विभाग, जलसंपदा विभाग, मृदा व जलसंधारण विभाग या विभागातल्या रिक्त पदांसाठी जाहिरात निघणार आहे. १७ जुलैपर्यंत रिक्त पदांची माहिती प्रत्येक विभागाच्या विभागप्रमुखांनी राज्य सरकारला कळवायची आहे. त्यानंतर अखेरपर्यंत सर्व पदांच्या जाहिराती प्रसिद्ध होणार आहेत.

[amazon_link asins=’B077V1P4T6′ template=’ProductCarousel’ store=’policenama-100′ marketplace=’IN’ link_id=’903d631f-7f85-11e8-959d-177b0c930ff4′]

अशी असेल परीक्षा 
भरतीसाठी जिल्हास्तरावर जिल्हाधिकारी, विभागीय स्तरावर विभागीय आयुक्त आणि राज्य स्तरावर त्यांच्या विभागाचे प्रमुख यांची समिती असेल.यासाठी परीक्षा पद्धती निश्चित झाली आहे. परीक्षेसाठी त्यांच्या जिल्ह्याचा इतिहास, भूगोल, स्थानिक बाबींवर 25 टक्के गुण असतील गट क आणि गट ब या संवर्गातील सर्व रिक्त पदांसाठी भरती होईल. सर्व परीक्षांसाठी राज्यभरात एकाच दिवशी परीक्षा होणार.

यंदा पहिल्या टप्प्यात भरण्यात येणाऱ्या 36 हजार पदांमध्ये ग्रामविकास विभागातील 11 हजार 5 पदे, सार्वजनिक आरोग्य विभागातील 10 हजार 568 पदे, गृह विभागातील 7 हजार 111 पदे, कृषी विभागातील 2 हजार 572 पदे, पशुसंवर्धन विभागातील 1 हजार 47 पदे, सार्वजनिक बांधकाम विभागातील 837 पदे, जलसंपदा विभागातील 827 पदे, जलसंधारण विभागातील 423 पदे, मत्स्यव्यवसाय विकास विभागातील 90 या पदांसह नगरविकास विभागातील 1 हजार 664 पदांचा समावेश आहे.

[amazon_link asins=’B01FXJI1OY’ template=’ProductCarousel’ store=’policenama-100′ marketplace=’IN’ link_id=’a3e4aad9-7f85-11e8-8a6f-79f3a11bcd88′]

या विभागात होणार भरती
ग्रामविकास विभाग- 11 हजार 5 पदे
आरोग्य विभाग- 10 हजार 568 पदे
गृह विभाग- 7 हजार 111 पदे
कृषी विभाग- 2 हजार 572 पदे
पशुसंवर्धन विभाग- 1 हजार 47 पदे
सार्वजनिक बांधकाम विभाग -837 पदे
जलसंपदा विभाग- 827 पदे
जलसंधारण विभाग- 423 पदे
मत्स्यव्यवसाय विकास विभाग- 90
नगरविकास विभाग- 1 हजार 664 पदे
 दुसऱ्या टप्प्यात पुढच्या वर्षी 36 हजार पदभरती करण्यात येणार आहे.
Loading...
You might also like