Maharashtra Political Crisis | नंबर गेममध्ये एकनाथ शिंदेंचे वर्चस्व, परंतु ‘या’ बाबतीत CM उद्धव ठाकरे अजूनही ताकदवान
file photoमुंबई : पोलीसनामा ऑनलाइन – Maharashtra Political Crisis | महाराष्ट्रातील सत्ताधारी पक्ष शिवसेना (Shivsena) सध्या सर्वात मोठ्या संकटाचा सामना करत आहे. शिवसेनेचे बहुतांश आमदार बंडखोर एकनाथ शिंदे (Eknath Shinde) यांच्या छावणीत गेले आहेत. गुवाहाटीमध्ये आश्रय घेऊन बहुतांश मंत्री सुद्धा उद्धव ठाकरेंपासून (Uddhav Thackeray) दुर झाले आहेत. (Maharashtra Political Crisis)
मात्र एवढे होऊनही शिंदे गट पुढे का जाऊ शकत नाही, हा मोठा प्रश्न आहे. ते मुख्यमंत्रिपदावर दावा करत नाहीत किंवा महाविकास आघाडी सरकार (Mahavikas Aghadi Government) पाडण्यासाठी उघडपणे समोर येत नाहीत. भाजपही (BJP) शांतपणे हा तमाशा पाहत आहे.
खरे तर आमदारांच्या संख्येच्या खेळात उद्धव ठाकरे मागे पडले असतील, पण एक गोष्ट अशी आहे की, ज्याबाबतीत ते आजही ताकदवान आहेत. ती आहे राष्ट्रीय कार्यकारिणी, संघटना आणि पदाधिकार्‍यांवरील त्यांची पकड. (Maharashtra Political Crisis)
शिंदे यांच्याकडे दोन तृतीयांशपेक्षा जास्त आमदार
शिवसेनेकडे सध्या एकूण 55 आमदार आहेत. त्यापैकी 39 आमदारांनी बंडखोरी केली असून बंडखोर नेते एकनाथ शिंदे यांना उघडपणे पाठिंबा दिला आहे. अशाप्रकारे दोन तृतीयांशहून अधिक आमदार शिंदे गटाकडे आहेत.
त्यांना हवे असेल तर ते स्वत:चा गट स्थापन करू शकतात, पक्षांतर कायद्याचा धोका सुद्धा राहणार नाही. कारण पक्षांतरविरोधी कायद्याचा फटका बसू नये म्हणून शिंदे गटाला 55 पैकी किमान 37 आमदारांच्या पाठिंब्याची गरज असून, 39 आमदारांचा पाठिंबा असल्याचा दावा ते करत आहेत.
8 मंत्र्यांचा पाठिंबा शिंदे यांना
याशिवाय आतापर्यंत उद्धव सरकारमधील 8 मंत्रीही शिंदे गटात सामील झाले आहेत. उच्च शिक्षण मंत्री उदय सामंत हेही रविवारी रात्री गुवाहाटी येथे पोहोचले. मुख्यमंत्री उद्धव ठाकरे यांच्यापेक्षा एकनाथ शिंदे यांच्या छावणीत आता जास्त मंत्री आहेत. उद्धव यांना फक्त 3 मंत्र्यांचा पाठिंबा असल्याचे वृत्त आहे.
हे तीन मंत्री उद्धव यांचे पुत्र आणि पर्यावरण मंत्री आदित्य ठाकरे, परिवहन मंत्री अनिल परब आणि उद्योग मंत्री सुभाष देसाई आहेत. परब आणि देसाई हे दोघेही विधान परिषदेचे सदस्य आहेत. अशावेळी त्यांची सरकारवर किती पकड आहे, हे स्पष्ट होते.
ही आहे शिवसेना पक्षप्रमुख उद्धव ठाकरे यांची ताकद
शिवसेनेच्या बहुतांश आमदार आणि मंत्र्यांचा बंडखोर एकनाथ शिंदे यांना पाठिंबा असेल, पण उद्धव ठाकरेंचे हात पूर्णपणे रिकामे झाले आहेत आणि त्यांच्या हातून सारी ताकद हिसकावून घेतली आहे, असे झालेले नाही.
कारण शिवसेनेच्या राष्ट्रीय कार्यकारिणीचा पाठिंबा अजूनही उद्धव यांच्या पाठीशी आहे. इंडियन एक्सप्रेसच्या वृत्तानुसार, राष्ट्रीय कार्यकारिणीत शिवसेनेचे सर्व खासदार, आमदार, जिल्हाप्रमुख आणि ज्येष्ठ नेते यांचा समावेश आहे. यात एकूण 288 सदस्य आहेत.
नुकतीच शिवसेनेच्या कार्यकारिणीची महत्त्वपूर्ण बैठक पार पडली. उद्धव ठाकरे यांच्या अध्यक्षतेखाली झालेल्या या बैठकीला 38 बंडखोर आमदारांशिवाय ज्येष्ठ नेते रामदास कदम (Ramdas Kadam) आणि श्रीकांत शिंदे (Shreekant Eknath Shinde) उपस्थित नव्हते.
सभेला उपस्थित सर्वांनी उद्धव ठाकरेंवर विश्वास व्यक्त केला आणि 6 ठराव मंजूर करून पुढील निर्णय घेण्याचे अधिकार उद्धव ठाकरेंना दिले.
संघटनेतही उद्धव ठाकरे जास्त मजबूत
याशिवाय संघटनात्मक आघाडीवरही उद्धव ठाकरे एकनाथ शिंदे यांच्यापेक्षा वरचढ आहेत.
भास्करने दिलेल्या वृत्तानुसार, शिवसेना संघटनेत 12 नेते, 30 उपनेते, 5 सचिव, एक प्रमुख प्रवक्ते आणि 10 प्रवक्ते आहेत,
त्यापैकी बहुतेक उद्धव ठाकरे यांच्यासोबत उभे आहेत.
शिवसेना संघटनेत अध्यक्ष उद्धव ठाकरे यांच्यानंतर 12 पैकी एकनाथ शिंदे वगळता अन्य 11 नेत्यांनी बंडखोर वृत्ती दाखवलेली नसल्याचा दावा या रिपोर्टमध्ये करण्यात आला आहे.
खासदार, उपनेते, सचिवही उद्धव यांच्यासोबत
भास्करच्या म्हणण्यानुसार, शिवसेनेच्या 30 उपनेत्यांपैकी मंत्री गुलाबराव पाटील,
आमदार तानाजी सावंत आणि यशवंत जाधव वगळता सर्वजण उद्धव यांच्या नेतृत्वाखाली काम करण्यास तयार आहेत.
पाच सचिवही उद्धव यांच्यासोबत आहेत. प्रवक्त्यांवर नजर टाकली तर शिवसेनेचे मुख्य प्रवक्ते संजय राऊत हे बंडखोरांना खुले आव्हान देत आहेत.
इतर 10 प्रवक्त्यांपैकी प्रताप सरनाईक वगळता बाकी सर्वांचा पाठिंबा उद्धव यांच्या पाठीशी आहे.
खासदारांची संख्या बघितली तर शिवसेनेचे संसदेत 18 सदस्य आहेत, त्यापैकी बंडखोर एकनाथ शिंदे यांचे पुत्र श्रीकांत शिंदे,
भावना गवळी यांच्याशिवाय कोणीही उद्धव ठाकरेंच्या विरोधात उभे राहिलेले नाहीत.
युवक, महिला आघाडीसह अनेक संघटनांचे समर्थन
या सगळ्याशिवाय शिवसेनेच्या युवासेना, महिला मोर्चासह अनेक संघटनाही मुख्यमंत्री उद्धव ठाकरे यांच्या समर्थनार्थ दिसत आहेत.
उद्धव यांचा मुलगा आदित्य ठाकरे यांच्याकडे युवा सेनेची सूत्रे आहेत.
18 पदाधिकारी असलेल्या महिला आघाडीच्या कार्यकर्त्याही उद्धव यांच्या बाजूने आवाज उठवत आहेत.
शिवसेनेच्या कामगार संघटनेचे भारतीय कामगार सेनेचे आठ महत्त्वाचे पदाधिकारी उद्धव यांच्या छावणीत दिसत असल्याचा दावा भास्करने केला आहे.
याशिवाय मराठी भाषिक आणि भूमिपुत्रांसाठी काम करणारी केंद्रीय स्थानिय लोकाधिकार समितीचे दोन खासदार उद्धव ठाकरे यांच्या बाजूने आहेत.
पाठींब्याचे कारण आगामी महापालिका निवडणुका ?
या सगळ्यांच्या समर्थनामागे एक मोठे कारण आहे,
ते म्हणजे महाराष्ट्रात लवकरच 14 नगरपालिका, 208 नगरपरिषदा, 13 नगर पंचायतींच्या निवडणुका होणार आहेत.
या निवडणुकीसाठी उद्धव ठाकरे आणि आदित्य ठाकरे शिवसेनेतील नेत्यांना तिकीट देणार आहेत.
अशा स्थितीत तिकीट मिळण्याच्या आपल्या आशा धोक्यात येऊ नयेत,
या आशेने अनेक नेते उद्धव यांच्याविरोधात बंड करण्याच्या मनस्थितीत नाहीत.
Join our WhatsApp Group, Telegram, facebook page and Twitter for every update